လိပ်ကျွန်းလူသတ်မှုဖြင့် သေဒဏ်ချ မှတ်ခံရသော မြန်မာလုပ်သားနှစ်ဦး၏ နောက်ဆုံးအယူခံကို ယနေ့ (သြဂုတ် ၂၉ ရက်) တွင် အမိန့်ချမည်ဖြစ်ကြောင်း သိရသည်။
လိပ်ကျွန်းလူသတ်မှုနှင့်ပတ်သက်၍ သေဒဏ်ချမှတ်ထားရသည့် မြန်မာနိုင်ငံသား နှစ်ဦးဖြစ်သော ကိုဇော်လင်းနှင့် ကိုဝင်းဇော်ထွန်းတို့၏ အယူခံကို သြဂုတ် ၂၉ ရက်နံနက်ပိုင်းတွင် ထိုင်းနိုင်ငံတရားလွှတ်တော်ချုပ်က အမိန့်ချမှတ်မည်ဖြစ်ကြောင်း မြန်မာသံရုံး အထူးအဖွဲ့မှ ဦးထူးချစ်က ၎င်း၏ လူမှုကွန်ရက်စာမျက်နှာတွင် ရေးသားထားသည်။
“မနက်ဖြန် လိပ်ကျွန်းလူသတ်မှုနှင့် ပတ်သက်ပြီး အယူခံဝင်ထားသည့် ကိစ္စဆုံးဖြတ်မည်။ ကျွန်တော် မနက်ဖြန် အရေးပေါ် ဘန်ကောက်ပြန်ပါမည်။ ကလေးများ ကံကောင်းပါစေ။ အစိုးရမင်းများ ကူညီပါ” ဟု ဦးထူးချစ်က သြဂုတ် ၂၈ ရက် ညပိုင်းတွင် ရေးသားထားသည်။
ထို့ပြင် လိပ်ကျွန်းလူသတ်မှုနှင့်ပတ်သက်၍ ရွှေ့ပြောင်းအလုပ်သမား အခွင့်အရေးကွန်ရက် (MWRN)၏ လူမှုကွန်ရက်စာမျက်နှာတွင် “လိပ်ကျွန်းလူသတ်မှုဖြင့် ပြစ်ဒဏ်ကျခံနေရတဲ့ ဝင်းနဲ့ဇော်တို့ရဲ့ နောက်ဆုံးအယူခံကို ထိုင်းနိုင်ငံ တရားလွှတ်တော်ချုပ်က မနက်ဖြန် နံနက် ၁၀ နာရီမှာ အမိန့်ချမှတ်မှာ ဖြစ်ပါတယ်။ နွန်ထဘူရီခရိုင်တရား ရုံးက ဒီအမိန့်ကို ဖတ်ကြားပေးမှာဖြစ်သလို ဘာသာပြန်ဖြင့် ဝင်းနဲ့ဇော်က နားထောင်ရ မှာဖြစ်တယ်လို့ ဝင်းနဲ့ဇော်ရဲ့ ရှေ့နေဖြစ်တဲ့ ထိုင်းရှေ့နေများကောင်စီဝင် ရှေ့နေကြီးက ပြောပြလာပါတယ်။ ဒီအမိန့်ချမှတ်ခြင်းဟာ တရားစီရင်မှုမှာ နောက်ဆုံးအဆင့်ဖြစ်ပြီး ကွင်းလုံးကျွတ်လွှတ်ပေးမလား၊ မူလအတိုင်း သေဒဏ်ချမလား စောင့်ကြည့်ရပါမယ်” ဟု သြဂုတ် ၂၈ ရက် ညပိုင်းက ရေးသားထားသည်။
လိပ်ကျွန်းလူသတ်မှုနှင့် ပတ်သက်၍ သေဒဏ်ချမှတ်ခံထားရသည့် ကိုဝင်းဇော်ထွန်းနှင့် ကိုဇော်လင်းတို့၏ နောက်ဆုံးအယူခံတင်ထားမှုအပေါ် ထိုင်းအဆင့်မြင့်တရားရုံး၌ တစ်နှစ်ကျော်ကြာမြင့်ခဲ့ပြီး အမိန့်ချမှတ် နိုင်ခြင်းမရှိခဲ့ဘဲ ယနေ့မှသာ အမိန့်ချမှတ်မည် ဖြစ်သည်။
ဗြိတိန်နိုင်ငံသားနှစ်ဦးဖြစ်သည့် ဒေးဗစ်မေလာနှင့် ဟန်နာဝစ်သာရစ်ဂျ်တို့နှစ်ဦး သတ်ဖြတ်ခံရသည့် လိပ်ကျွန်းလူသတ်မှုနှင့် ပတ်သက်၍ ကိုဝင်းဇော်ထွန်းနှင့် ကိုဇော်လင်းတို့ကို လူသတ်မှု၊ ပစ္စည်းလုယူမှု၊ အဓမ္မကျင့်မှု စသည့်အမှုခုနစ်မှုတို့ဖြင့် ထိုင်းနိုင်ငံတောင်ပိုင်း ကော့စမွေတရားရုံးက ၂၀၁၅ ခုနှစ် ဒီဇင်ဘာ ၂၄ ရက်တွင် သေဒဏ်ချမှတ်ခဲ့ခြင်း ဖြစ်သည်။
-
လက်ရှိတွင် အချိုးကျကိုယ်စားပြုစနစ် (PR) မလိုအပ်သေးကြောင်းနှင့် ပြည်သူများသာမက နိုင်ငံရေးသမားများပင်လျှင် PR စနစ်ကို နားမလည်သေးကြောင်း မွန်ညီညွတ်ရေးပါတီ ပြောကြား
-
မြန်မာ့အရေးနှင့် ပတ်သက်ပြီး ဥပဒေမူဘောင်အတွင်း ညှိနှိုင်းတိုင်ပင်ဆွေးနွေးခြင်းကို အလျင်အမြန် ရှာကြံရေးအပေါ် ထောက်ခံကြောင်း တရုတ်နိုင်ငံ ပြောကြား
-
မိန်းကလေးငယ်များအား Facebook, TikTok များမှတစ်ဆင့် တရုတ်မယား ပြုလုပ်ရန် စည်းရုံးပြီး လူကုန်ကူးမှု ဂိုဏ်းဖွဲ့ကျူးလွန်သည့် တရုတ်နိုင်ငံသားနှင့် မြန်မာနိုင်ငံသားများအား မန္တလေးမြို့တွင် ဖမ်းဆီးရမိ
-
NMSP (AD) အဖွဲ့က ဖမ်းဆီးခေါ်ဆောင်သွားသည့် မုဒုံမြို့နယ် ကျိုက်ရွဲကျေးရွာရှိ ဟွန်ဒါမြန်မာ သစ်ပါးလွှာစက်ရုံမှ စက်ရုံမှူး၊ မန်နေဂျာနှင့် တရုတ်နိုင်ငံသားပညာရှင်တစ်ဦးတို့ ပြန်လည်လွတ်မြောက်လာဟုဆို
-
ရွှေနိုင်ငံစာပေနှင့် ပိုစတာဖြန့်ချိရေးလုပ်ငန်း၏ ပုံနှိပ်ခြင်းနှင့် ထုတ်ဝေခြင်းလုပ်ငန်း အသိအမှတ်ပြုလက်မှတ်အား ရုပ်သိမ်း
