ဗီယန်ကျင်း၊နိုဝင်ဘာ ၁
လာအို-တရုတ်မီးရထားကုမ္ပဏီလီမိတက် (LCRC) သည် ခရီးသွားလုပ်ငန်းကိုမြှင့်တင်ရန်ရည်ရွယ်၍ တရုတ်နိုင်ငံ ရှီယန်းဘာနာနှင့် လာအိုနိုင်ငံမှ လွမ်ပရာဘွမ်အကြား လူစီးရထားပြေးဆွဲမှုအခေါက်ရေကို အောက်တိုဘာလ ၂၉ ရက်မှစတင်၍ တိုးမြှင့်ပြေးဆွဲခဲ့သည်။
ယခုအခါ အဆိုပါကုမ္ပဏီသည် ယခင်ကတစ်ပတ်လျှင် လေးရက်သာပြေးဆွဲပေးခဲ့ရာမှ ယခုအခါ တစ်ပတ်လျှင် ခြောက်ရက်အထိတိုးမြှင့် ပြေးဆွဲလျက်ရှိသည်။
ယခုကဲ့သို့တိုးချဲ့ပြေးဆွဲထားသည့် အချိန်ဇယားနှင့်အစီအစဉ်သည် နှစ်နိုင်ငံ၏ လူကြိုက်များသောနေရာနှစ်ခုအကြားတွင် ခရီးသည်များပိုမိုသွားလာနိုင်စေမည်ဖြစ်ကာ ခရီးသွားလုပ်ငန်းသည် တိုးတက်လာမည်ဖြစ်သည်။
အဆိုပါရထားလမ်းဖြင့် ၂၀၂၃ ခုနှစ် ဧပြီလ ၁၃ ရက်နေ့တွင် ခရီးသည်ဝန်ဆောင်မှုကိုစတင်ခဲ့ပြီး စတင်ပြေးဆွဲချိန်မှစ၍ ကုန်ကျစရိတ်သက်သာမှု၊ အဆင်ပြေမှုနှင့် သက်သောင့်သက်သာရှိမှုတို့ကြောင့် နိုင်ငံတကာခရီးသည်များအကြား ရေပန်းစားလာသောရထားလမ်းလည်းဖြစ်လာခဲ့သည်။
ယခုနှစ် ဧပြီလ ၁၃ ရက်နေ့တွင်မူ တရုတ်နှင့်လာအို မီးရထားအာဏာပိုင်များသည် နိုင်ငံတကာခရီးသည်ဝန်ဆောင်မှုများအတွက် နောက်ထပ်ရထားတွဲတစ်တွဲကိုထပ်တိုးပြေးဆွဲခဲ့သည်ဟုလည်းသိရသည်။
Source : ရှင်းဟွာ
-
■ ဘွန်ဒစ်လီဂါကလပ် ဆန့်ပေါ်လီအသင်း လူမှုကွန်ရက် X မှ နုတ်ထွက်
-
■ မန်ယူတိုက်စစ်မှူးဟောင်း ဖော်လန် ဥရုဂွေးအိုးပင်း ပရိုတင်းနစ်ပြိုင်ပွဲ အဖွင့်ပွဲစဉ်တွင် ရှုံးပွဲကြုံတွေ့
-
■ ကူဒူစ်ကို အနည်းဆုံးပေါင်(၈၅)သန်းရမှ ဝက်စ်ဟမ်းအသင်း ရောင်းမည်
-
ကူးစက်မြန် ကိုရိုနာဗိုင်းရပ်စ်မျိုးကွဲသစ် B.1.1.7 အကြောင်းတစေ့တစောင်း
-
ရန်သူများ၏ မည်သည့် တိုက်ခိုက်မှုမျိုးကိုမဆို လက်တုံ့ပြန်သွားမည်ဟု အီရန်တပ်ဖွဲ့ ထုတ်ပြန်
