ရေးမြို့နယ် အာယုတောင်ကျေးရွာတွင် ဇူလိုင်လ ၆ ရက် ညပိုင်းက မောင်းတင်ထား သည့်သေနတ်လွယ်ထားသူ ခြေချော်ကျရာမှ ကျည်ပေါက်ထွက်ပြီး တခြားတစ်ဦး ကျည် ထိမှန်သေဆုံးခဲ့မှုဖြစ်ပွားကြောင်း ဒေသခံများ၏ ပြောကြားချက်များအရ သိရသည်။
ဖြစ်စဉ်မှာ အာယုတောင်ကျေးရွာအုပ်ချုပ်ရေးမှူး၏ လက်ထောက်တစ်ဦးဖြစ်သူ ဦးအောင်ဝင်းကိုဆိုသူမှာ အုပ်ချုပ်ရေးမှူး ရုံးသို့ မလာဘဲ ပျက်ကွက်နေသည့်အတွက် တခြားလက်ထောက်နှစ်ဦးဖြစ်သည့် ဦးလေး (ခ) အလေးနှင့် အချွန်း ဆိုသူတို့နှစ်ဦးမှာ ဦးအောင်ဝင်းကိုအားသွားရောက်ခေါ်ဆောင်ရာမှ ယင်းသို့ ဖြစ်ပျက်ခဲ့ခြင်းဖြစ် ကြောင်း ဒေသခံတစ်ဦးကပြောကြားသည်။
၎င်းင်းကဆက်လက်ပြီး “ဖြစ်သွားတာက အာယုတောင်ကျေးဖြစ်သွားတာ။ ဦးလေး (ခ) အလေးနဲ့ အချွန်းတို့နှစ်ဦးက ဦးအောင် ဝင်းကိုကိုသွားခေါ်တာ၊ ဦးလေး (ခ) အလေး က သေနတ်ယူသွားတယ်။ အဲ့ဒါ ရွာ အနောက်ပိုင်း ဘုန်းကြီးကျောင်းအနီးမှာ ဦးလေး (ခ) အလေးက ခြေချော်ကျပြီးလဲကျတဲ့အချိန်မှာ သေနတ်က ကျည်ထိုးထားတော့ ကျည်ပေါက် ထွက်သွားပြီး အချွန်းကိုသွားမှန်တာ။ အချွန်းက ပွဲချင်းပြီးပဲ သေဆုံးသွားတယ်” ဟု ပြောကြားသည်။
သေဆုံးခဲ့သူ အချွန်းမှာ အသက် ၃၀ နှစ်ခန့်ရှိပြီး အာယုတောင်ကျေးရွာ ရပ်ကွက် (၂) တွင် နေထိုင်သူတစ်ဦး ဖြစ်ကြောင်းနှင့် ကျေးရွာအုပ်ချုပ်ရေးမှူရုံးတွင် ရုံးပိုင်းလခစား အနေဖြင့် လုပ်ကိုင်နေသူတစ်ဦးဖြစ်ကြောင်း ဒေသခံများထံမှ သိရသည်။
-
■ ဘွန်ဒစ်လီဂါကလပ် ဆန့်ပေါ်လီအသင်း လူမှုကွန်ရက် X မှ နုတ်ထွက်
-
■ မန်ယူတိုက်စစ်မှူးဟောင်း ဖော်လန် ဥရုဂွေးအိုးပင်း ပရိုတင်းနစ်ပြိုင်ပွဲ အဖွင့်ပွဲစဉ်တွင် ရှုံးပွဲကြုံတွေ့
-
■ ကူဒူစ်ကို အနည်းဆုံးပေါင်(၈၅)သန်းရမှ ဝက်စ်ဟမ်းအသင်း ရောင်းမည်
-
ကူးစက်မြန် ကိုရိုနာဗိုင်းရပ်စ်မျိုးကွဲသစ် B.1.1.7 အကြောင်းတစေ့တစောင်း
-
ရန်သူများ၏ မည်သည့် တိုက်ခိုက်မှုမျိုးကိုမဆို လက်တုံ့ပြန်သွားမည်ဟု အီရန်တပ်ဖွဲ့ ထုတ်ပြန်
