Top News

ရန်ကုန် - မန္တလေးအမြန်လမ်းမကြီး၊ မိုင်တိုင်အမှတ် (၄၅/၂)မိုင်အနီးတွင်  ခရီးသည်တင်ယာဉ်(၁)စီး တံတား‌ဘေးချောက်အတွင်းသို့ ထိုးကျတိမ်းမှောက်မှု  ဇူလိုင် ၁၀ ရက်နေ့ နံနက် ၆ နာရီ ၂၀ မိနစ် အချိန်က ဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ ဌာနချုပ်မှ သိရသည်၊

ရန်ကုန် - မန္တလေးအမြန်လမ်းမကြီး၊ မိုင်တိုင်အမှတ် (၄၅/၂)မိုင်အနီးတွင်  ခရီးသည်တင်ယာဉ်(၁)စီး တံတား‌ဘေးချောက်အတွင်းသို့ ထိုးကျတိမ်းမှောက်မှုဖြစ်ပွားပြီး လူညပ်နေကြောင်း သတင်းရရှိသဖြင့် ဘောနတ်ကြီးအမြန်လမ်းမီးသတ်စခန်း၊ ဘောနီအမြန်လမ်းမီးသတ်စခန်း၊ ဘုရားကြီးနယ်မြေမီးသတ်စခန်းတို့မှ သန္ဓေမီးသတ်တပ်ဖွဲ့ဝင်များနှင့် ဘုရားကြီးအရန်မီးသတ်စခန်းတို့မှ အရန်မီးသတ်တပ်ဖွဲ့ဝင်များဖြင့် ရှာဖွေကယ်ဆယ်ရေးလုပ်ငန်းများ သွားရောက် ဆောင်ရွက်ခဲ့ကြောင်း၊သိရသည်။

အဆိုပါ ယာဉ်တိမ်းမှောက်မှု ကြောင့် ခရီးသည် ယာဉ်ပေါ်ပါ ကျား(၇)ဦး၊ မ(၄)ဦး စုစုပေါင်း(၁၁)ဦးအနက် ကျား(၂)ဦးနှင့် မ(၁)ဦး ထိခိုက်ဒဏ်ရာ(မစိုးရိမ်ရ)ရရှိခဲ့ပြီး၊ ကျား(၁)ဦး(သေဆုံး) ကြောင်း၊ ကျား(၁)ဦး(သေဆုံး)တို့အား အမြန်လမ်းမကြီးအရေးပေါ်လူနာတင်ယာဉ်နှင့် ဘုရားကြီးအရန်လူနာတင်ယာဉ်တို့ဖြင့် ပဲခူးပြည်သူ့ဆေးရုံသို့ ပို့ဆောင်ပေးခဲ့ ကြောင်း မြန်မာနိုင်ငံမီးသတ်တပ်ဖွဲ့ ဌာနချုပ်မှသိရသည်၊

အဆိုပါ ယာဉ်တိမ်းမှောက်မှု ဖြစ်စဉ်နှင့် ပတ်သတ်၍ သက်ဆိုင်ရာ မှ စစ်ဆေးဆောင်ရွက်လျက် ရှိကြောင်း သိရသည်။