Top News

ပဲခူးတိုင်းရွေးကောက်ပွဲကော်မရှင်ရုံးဝန်းအတွင်း ပေါက်ကွဲမှုဖြစ်ပွား

24htopnews | November 3, 2024 10:12 AM CST

ပဲခူးတိုင်းရွေးကောက်ပွဲကော်မရှင်ရုံးဝန်းအတွင်း ပေါက်ကွဲမှုဖြစ်ပွားခဲ့ကြောင်း ပဲခူးခရိုင်ရွေးကောက်ပွဲကော်မရှင်မှ အတွင်းရေးမှူး ဦးမင်းသက်နောင်က ပြောကြားသည်။

ပေါက်ကွဲမှုမှာ ယနေ့ (နိုဝင်ဘာ ၆ ရက်) မွန်းလွဲ ၂ နာရီ ၄၅ မိနစ်ခန့်က ဖြစ်ပွားခဲ့ခြင်းဖြစ်ပြီး လူထိခိုက်မှု မရှိကြောင်း ၎င်းက ပြောကြားသည်။

“တိုင်းကော်မရှင် ရုံးဝန်းထဲမှာ ပေါက်ကွဲမှုဖြစ်တာပါ၊ မှန်တွေတော့ ကွဲသွားတယ်၊ လူထိခိုက်မှု မရှိဘူး၊ မဲပေးမယ့် စာရွက်စာတန်းတွေကိုလည်း ထိခိုက်ပျက်စီးမှု မရှိပါဘူး” ဟု အတွင်းရေးမှူး ဦးမင်းသက်နောင်က ပြောကြားသည်။

လက်တလောတွင် ပေါက်ကွဲမှုနှင့် ပတ်သက်၍ စုံစမ်းစစ်ဆေးမှုများ ပြုလုပ်နေပြီး အသေးစိတ်အား မပြောနိုင်သေးကြောင်း ဦးမင်းသက်နောင်က ဆိုသည်။

ပေါက်ကွဲမှုနှင့် ပတ်သက်ပြီး သတင်းများ ထပ်မံရရှိပါက ဆက်လက် ဖော်ပြပေးသွားမည် ဖြစ်ပါသည်။