မန္တလေးမြို့ရှိ ပြည်ကြီးတံခွန်မြို့နယ် ၆၂ လမ်းနှင့် ၁၃၁ လမ်းထောင့်ရှိ ယူနိုက်တက်အမရဘဏ် UAB (စက်မှုဇုန်ဘဏ်ခွဲ) အား သေနတ်ကိုင်ဆောင်ထားသူ တစ်ဦးက ဝင်ရောက် ဓားပြတိုက်မှု ယနေ့ (အောက်တိုဘာ ၁၅ ရက်) ညနေ လေးနာရီခန့်က ဖြစ်ပွားခဲ့ကြောင်း သတင်းရရှိသည်။
သေနတ်ကိုင်ဆောင်ထားသူ အမျိုးသားတစ်ဦးက ဘဏ်အတွင်းဝင်ရောက်ကာ ငွေများကို ယူဆောင်သွားခဲ့ခြင်းဖြစ်ပြီး ဖြစ်စဉ်အသေးစိတ်အား စုံစမ်းစစ်ဆေးလျက်ရှိကြောင်း သိရသည်။
"ဘဏ်ထဲ ဝင်တာကတော့ တစ်ဦးထဲပဲ။ ကားပေါ်က ဘယ်နှစ်ယောက် စောင့်နေတယ်တော့ မသိရဘူး။ သေနတ် တစ်လက်နဲ့ လက်ထိပ်တစ်ခု ပါတယ်။ ငွေ၊ နှစ်ထုတ်ကို ယူသွားတယ်။ ဘယ်လောက်လဲ ဆိုတာတော့ စစ်ဆေးနေတုန်းပဲ။ အသေးစိတ်ကိုတော့ CCTV မှတ်တမ်းတွေပြန်ကြည့်ပြီး ဖမ်းမိဖို့အတွက် မန္တလေးမြို့ အဝင်အထွက်တွေကို ပိတ်ဆို့ ဆောင်ရွက်နေပါတယ်"ဟု မန္တလေးတိုင်း ဒုတိယတိုင်းရဲတပ်ဖွဲ့မှူး ရဲမှူးကြီး မောင်မောင်အေးက ပြောကြားခဲ့သည်။
"သေနတ်ပြပြီး ငွေတောင်းတယ်။ လက်ထိပ်ပါတယ်။ အဲဒါနဲ့ ဘဏ်ဝန်ထမ်းက ငွေသိန်းနှစ်ရာ ပေးလိုက်တော့ ထွက်သွားတယ်" ဟု ရပ်ကွက်အုပ်ချုပ်ရေးမှူး ဦးစိုးမင်းဟန်က ဆိုသည်။
လတ်တလောတွင် ဘဏ်နှင့် အနီးတဝိုက်တွင် ရဲတပ်ဖွဲ့လုံခြုံရေးများချထားပြီး ကျူးလွန်သူများ ဖမ်းဆီးရမိရေးတွက် ဆောင်ရွက်နေကြောင်း သိရသည်။
ထို့ပြင် မန္တလေးမြို့တွင် ပြီးခဲ့သည့် ရက်ပိုင်းအတွင်းက ၂၄နာရီဖွင့်သည့် စတိုးဆိုင်တစ်ဆိုင်အား ဝင်ရောက် လုယူမှု ဖြစ်ပွားခဲ့သေးကြောင်း သိရသည်။
-
■ ဘွန်ဒစ်လီဂါကလပ် ဆန့်ပေါ်လီအသင်း လူမှုကွန်ရက် X မှ နုတ်ထွက်
-
■ မန်ယူတိုက်စစ်မှူးဟောင်း ဖော်လန် ဥရုဂွေးအိုးပင်း ပရိုတင်းနစ်ပြိုင်ပွဲ အဖွင့်ပွဲစဉ်တွင် ရှုံးပွဲကြုံတွေ့
-
■ ကူဒူစ်ကို အနည်းဆုံးပေါင်(၈၅)သန်းရမှ ဝက်စ်ဟမ်းအသင်း ရောင်းမည်
-
ကူးစက်မြန် ကိုရိုနာဗိုင်းရပ်စ်မျိုးကွဲသစ် B.1.1.7 အကြောင်းတစေ့တစောင်း
-
ရန်သူများ၏ မည်သည့် တိုက်ခိုက်မှုမျိုးကိုမဆို လက်တုံ့ပြန်သွားမည်ဟု အီရန်တပ်ဖွဲ့ ထုတ်ပြန်
