ရခိုင်ပြည်နယ် မြောက်ဦးနှင့် ရသေ့တောင်မြို့နယ်တွင်တို့တွင် လက်နက်ကြီးကျ၍ ကလေးတစ်ဦးနှင့် ကျောင်းဆရာတစ်ဦး သေဆုံးခဲ့ကြောင်း သိရသည်။
အောက်တိုဘာ ၁၉ ရက် ညနေ ၄ နာရီကျော်က မြောက်ဦးမြို့၊ ထမ္မရာဇ်ရပ်ကွက်ရှိ ဦးကျန်မြင့်၏ နေအိမ်ရှေ့၌ လက်နက်ကြီးကျရောက် ပေါက်ကွဲခဲ့သဖြင့် အသက် ရှစ်နှစ်အရွယ် မောင်မျိုးအောင်ဌေးမှာ နေရာတွင် သေဆုံးသွားခဲ့ကြောင်း သိရသည်။
ထို့အပြင် ၎င်း၏ ဖခင်ဖြစ်သော ဦးကျန်မြင့် (၄၃) နှစ်နှင့် ဒေါ်အေးဝင်း (၄၀) နှစ်တို့တွင် ဒဏ်ရာရရှိခဲ့ကြောင်း သိရသည်။
အလားတူ အောက်တိုဘာ ၁၉ ရက် နေ့လည် ၁၂ နာရီကျော်အချိန်က ရသေ့တောင်မြို့နယ်၊ ရွာသစ်ကေကျေးရွာ ဘုန်းတော်ကြီးကျောင်းအနီးရှိ လယ်ကွင်းတွင် လက်နက်ကြီးကျည် တစ်လုံး ကျရောက် ပေါက်ကွဲခဲ့သဖြင့် ကျောင်းဆရာတစ်ဦး ကျည်ထိမှန် သေဆုံးသွားကြောင်း သိရသည်။
အဆိုပါ လက်နက်ကြီး ကျရောက်မှုကြောင့် သေဆုံးသွားသည့် ကျောင်းဆရာမှာ ကျောက်ဖြူပညာရေးကောလိပ် ကျောင်းဆင်း လက်ရှိမှာ ရသေ့တောင်မြိုနယ် င/စံ ဘော်ကျေးရွာရှိ မူလတန်း (လွန်) ကျောင်းတွင် တာဝန်ကျနေသူ ဦးမျိုးဆက်နိုင်ဦး အသက် (၂၁) နှစ်ဖြစ်ပြီး ၎င်းသည် နေအိမ်မှ နွားများကို လယ်ကွင်းသို့ လွှတ်ရန်သွားစဉ် ယင်းသို့ ကျည်ထိမှန်သဖြင့် စစ်တွေဆေးရုံသို့ ပို့ဆောင်စဉ် လမ်းတွင် သေဆုံးသွားကြောင်း မိသားစုဝင်များထံမှ သိရသည်။ အောက်တိုဘာ ၁၉ ရက် တစ်နေ့တည်းတွင် မြို့နယ် နှစ်ခု၌ လက်နက်ကြီးကျ၍ သေဆုံးသူ နှစ်ဦး၊ ဒဏ်ရာရရှိသူ နှစ်ဦးရှိခဲ့ခြင်း ဖြစ်သည်။
-
■ ဘွန်ဒစ်လီဂါကလပ် ဆန့်ပေါ်လီအသင်း လူမှုကွန်ရက် X မှ နုတ်ထွက်
-
■ မန်ယူတိုက်စစ်မှူးဟောင်း ဖော်လန် ဥရုဂွေးအိုးပင်း ပရိုတင်းနစ်ပြိုင်ပွဲ အဖွင့်ပွဲစဉ်တွင် ရှုံးပွဲကြုံတွေ့
-
■ ကူဒူစ်ကို အနည်းဆုံးပေါင်(၈၅)သန်းရမှ ဝက်စ်ဟမ်းအသင်း ရောင်းမည်
-
ကူးစက်မြန် ကိုရိုနာဗိုင်းရပ်စ်မျိုးကွဲသစ် B.1.1.7 အကြောင်းတစေ့တစောင်း
-
ရန်သူများ၏ မည်သည့် တိုက်ခိုက်မှုမျိုးကိုမဆို လက်တုံ့ပြန်သွားမည်ဟု အီရန်တပ်ဖွဲ့ ထုတ်ပြန်
