မြန်မာနိုင်ငံအတွင်းနေထိုင်သူများအနေဖြင့် ပြည်ထောင်စုစိတ်ဓာတ်မွေးပြီးနေထိုင်ရေးနှင့်ပတ်သက်၍ နစက ဥက္ကဋ္ဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်က ပြောကြားခဲ့ခြင်းဖြစ်သည်။
၎င်းမှ ယနေ့ နိုဝင်ဘာ ၂ ရက်ညနေပိုင်းက ရန်ကုန်မြို့၊ ဒဂုံမြို့နယ်၊ မြို့မကျောင်းလမ်းရှိ အမျိုးသားဇာတ်ရုံ၌ကျင်းပသည့် ဟိန္ဒူဘာသာဝင်များ ၏ ဒီပါဝလီအထိမ်းအမှတ်အခမ်းအနားသို့တက်ရောက်ချီးမြှင့်ရသည့်အကြောင်းအားပြောကြားရာ၌ ထည့်သွင်းပြောကြားခဲ့ခြင်းဖြစ်သည်။
ပြည်ထောင်စုစိတ်ဓာတ်ကိုအခြေခံ၍ အပြန်အလှန် ချစ်ကြည်ရင်းနှီးမှုများမှတစ်ဆင့် မြန်မာနိုင်ငံအကျိုးကို ဝိုင်းဝန်းသယ်ပိုးသွားစေလိုကာ ယနေ့အချိန်တွင် မြန်မာနိုင်ငံ၌ဖြစ်ပေါ်နေသည့် ပဋိပက္ခများသည် နိုင်ငံရေးအရဖြစ်ပေါ်လာသည့်ပြဿနာကို နိုင်ငံရေးအရ ဖြေရှင်းမှုမရှိခြင်းကြောင့်ဖြစ်သည်ဟု ပြောသည်။
ပြည်ပမှ နိုင်ငံရေး၊ လူမျိုးရေး၊ ဘာသာရေး စသည့် လှုံ့ဆော်မှုအမျိုးမျိုးကိုအခြေခံနေသည်ကိုတွေ့ရှိရကာ ယင်း သွေးထိုးလှုံ့ဆော်မှုများမှတစ်ဆင့် နိုင်ငံအတွင်းအကြမ်းဖက်လုပ်ရပ်များကို မိုက်မဲစွာကျူးလွန်နေကြသည်ဟု ပြောသည်။
” သွေးကွဲနေရက် သွေးထိုးခံနေရမှာပါ။ ဒါ့ကြောင့် မြန်မာနိုင်ငံအတွင်းက ဒီမြေ၊ ဒီရေ၊ ဒီလေကို တူညီစွာသုံးစွဲနေထိုင်ကြတဲ့ မည်သည့်လူမျိုး၊ မည်သည့်ဘာသာဝင်ပင်ဖြစ်ပါစေ မြန်မာနိုင်ငံကိုချစ်တဲ့စိတ်နဲ့ ပြည်ထောင်စုစိတ်ဓာတ်မွေးပြီး နေကြဖို့လိုအပ်ပါတယ်။ ဒါ့ကြောင့် ဖြစ်ပေါ်နေတဲ့ ပဋိပက္ခတွေချုပ်ငြိမ်းပြီး အားလုံးသွားလိုတဲ့ လမ်းကြောင်းပေါ် အမြန်ဆုံးပြန်ရောက်အောင် ဝိုင်းဝန်းဆောင်ရွက်ပေးကြရပါမယ်”ဟု နစက ဥက္ကဋ္ဌကပြောသည်။
မြန်မာနိုင်ငံတွင် မတူညီမှုများ၊ကွဲပြားမှုများရှိနေသော်လည်း ယင်း မတူကွဲပြားမှုများကို စုစည်းနိုင်ခြင်းကသာ အင်အားကိုဖြစ်စေပြီး ထိုသို့စုစည်းသည့်အင်အားရရှိစေရန် မိမိကိုယ်တိုင် ဦးဆောင်၍ ဆောင်ရွက်လျက်ရှိကာ မြန်မာပြည်ဖွား အိန္ဒိယလူမျိုးစုအဖွဲ့အစည်းများ၊ တရုတ်လူမျိုးစုအဖွဲ့အစည်းများနှင့် မိမိ၏ကိုယ်စားလှယ်များတွေ့ဆုံကာ ယင်း အဖွဲ့အစည်းများ၏ လိုအပ်ချက်များကို မေးမြန်းဖြည့်ဆည်းပေးခဲ့ကာ ၎င်းတို့၏သုံးသပ်ချက်များကိုလည်း အဖြေရှာဆောင်ရွက်ပေးခဲ့သည်ဟု ပြောသည်။
ထို့အတူ မြန်မာနိုင်ငံအတွင်းရှိ ဘာသာပေါင်းစုံ ၏ ဘာသာရေးဆိုင်ရာအခမ်းအနားများ၊ လူမျိုးစုများဆိုင်ရာ အထိမ်းအမှတ်နေ့များနှင့် အခမ်းအနားများကို မိမိတို့အစိုးရအနေဖြင့် တတ်နိုင်သမျှအားပေးကူညီနေသည်ဟုလည်း နစက ဥက္ကဋ္ဌကပြောကြားခဲ့သည်။
-
■ ဘွန်ဒစ်လီဂါကလပ် ဆန့်ပေါ်လီအသင်း လူမှုကွန်ရက် X မှ နုတ်ထွက်
-
■ မန်ယူတိုက်စစ်မှူးဟောင်း ဖော်လန် ဥရုဂွေးအိုးပင်း ပရိုတင်းနစ်ပြိုင်ပွဲ အဖွင့်ပွဲစဉ်တွင် ရှုံးပွဲကြုံတွေ့
-
■ ကူဒူစ်ကို အနည်းဆုံးပေါင်(၈၅)သန်းရမှ ဝက်စ်ဟမ်းအသင်း ရောင်းမည်
-
ကူးစက်မြန် ကိုရိုနာဗိုင်းရပ်စ်မျိုးကွဲသစ် B.1.1.7 အကြောင်းတစေ့တစောင်း
-
ရန်သူများ၏ မည်သည့် တိုက်ခိုက်မှုမျိုးကိုမဆို လက်တုံ့ပြန်သွားမည်ဟု အီရန်တပ်ဖွဲ့ ထုတ်ပြန်
