နေပြည်တော်၊ ပျဉ်းမနားမြို့ရှိ စိုက်/သိပ္ပံကျောင်းအုပ်ဆရာမကြီးနှင့်ဆရာမတစ်ဦးတို့ ယနေ့ နိုဝင်ဘာ ၂ ရက်နံနက် ၄ နာရီ ၄၅ မိနစ်ခန့်က ဓားဖြင့်ထိုးခုတ်ခံခဲ့ရကြောင်း ဒေသခံများထံမှ သိရသည်။
ပျဉ်းမနားမြို့၊ ရွှေချီရပ်ကွက်၊ စိုက်/သိပ္ပံ ကျောင်းဝန်းအတွင်း၌ ပြစ်မှုကျူးလွန်သူ ပဲခူးတိုင်း၊ ဇေယျဝတီမြို့နေ မျိုးမင်းသူ(၁၉)နှစ်မှ ကျောင်းဆရာမဒေါ်အွန်စော(၂၂)နှစ်အား နေအိမ်အတွင်းဓားဖြင့်ထိုးခုတ်နေသဖြင့် ကျောင်းအုပ်ဆရာမဒေါ်ဝင်းရီမှသွားရောက်ကြည့်ရှုစဉ် မျိုးမင်းသူက ကျောင်းအုပ်ဆရာမကြီးအား ဓားဖြင့်ထပ်မံထိုးခုတ်ပြီးနောက် ထွက်ပြေးသွားခဲ့ကြောင်း သိရသည်။
” အခုပြစ်မှုကျူးလွန်တဲ့သူက ဒုတိယနှစ်စာမေးပွဲကျတဲ့ ကျောင်းသားတစ်ယောက်ပါ။ ပထမဆုံး ဓားနဲ့ခုတ်ခံရတဲ့ဆရာမက ကွင်းဆင်းလက် ထောက်တစ်ယောက်ပါ။ သူ့ကိုဓားနဲ့ထိုးခုတ်နေတဲ့အသံရယ် အကူအညီတောင်းတဲ့အသံရယ်ကြားလို့ထွက်ကြည့်တဲ့ ကျောင်းအုပ်ဆရာမကြီးကိုပါ ထပ်ပြီးထိုးခုတ်ခဲ့တာ”ဟု ဒေသခံတစ်ဦးကပြောသည်။
ထိုသို့ ဓားဖြင့်ထိုးခုတ်ခံရမှုကြောင့် ဆရာမဒေါ်အွန်စောသည် လည်းပင်းထိုးသွင်းဒဏ်ရာ၊ ဘယ်ဘက်ညှပ်ရိုးထိုးသွင်းဒဏ်ရာများရရှိ၍ အခင်း ဖြစ်နေရာ၌သေဆုံးသွားခဲ့ပြီး ကျောင်းအုပ်ဆရာ မကြီးတွင်လည်း ဦးခေါင်းအလယ်ပြတ်ရှဒဏ်ရာတို့ရရှိခဲ့သဖြင့် ဆေးရုံသို့ပို့ဆောင်ပေးခဲ့ကြကြောင်း သိရသည်။
ဖြစ်စဉ်အား သက်ဆိုင်ရာရဲတပ်ဖွဲ့ဝင်များက စစ် ဆေးမှုများပြုလုပ်ပြီးနောက် ပြစ်မှုကျူးလွန်သူအားဖမ်းဆီးရမိရေးဆောင်ရွက်ခဲ့သဖြင့် ပြစ်မှုကျူးလွန်သူအား နံနက် ၁၀ နာရီခန့်တွင် ဘောဂသီရိကားဝင်း၌ ဖမ်းဆီးရမိခဲ့ကြောင်း သိရသည်။
-
■ ဘွန်ဒစ်လီဂါကလပ် ဆန့်ပေါ်လီအသင်း လူမှုကွန်ရက် X မှ နုတ်ထွက်
-
■ မန်ယူတိုက်စစ်မှူးဟောင်း ဖော်လန် ဥရုဂွေးအိုးပင်း ပရိုတင်းနစ်ပြိုင်ပွဲ အဖွင့်ပွဲစဉ်တွင် ရှုံးပွဲကြုံတွေ့
-
■ ကူဒူစ်ကို အနည်းဆုံးပေါင်(၈၅)သန်းရမှ ဝက်စ်ဟမ်းအသင်း ရောင်းမည်
-
ကူးစက်မြန် ကိုရိုနာဗိုင်းရပ်စ်မျိုးကွဲသစ် B.1.1.7 အကြောင်းတစေ့တစောင်း
-
ရန်သူများ၏ မည်သည့် တိုက်ခိုက်မှုမျိုးကိုမဆို လက်တုံ့ပြန်သွားမည်ဟု အီရန်တပ်ဖွဲ့ ထုတ်ပြန်
