မော်စကို၊နိုဝင်ဘာ ၂
ဥရောပသို့ ရုရှား၏ပိုက်လိုင်းမှတစ်ဆင့် ဓာတ်ငွေ့တင်ပို့မှုသည် ယခုနှစ် ပထမ ၁၀ လအတွင်း ကုဗမီတာ ၂၆ ဒသမ ၅၂ ဘီလျံအထိရှိကာ အဆိုပါပမာဏသည် ၁၅ ရာခိုင်နှုန်းကျော် မြင့်တက်လာခြင်းဖြစ်ကြောင်း ရုရှား၏ တပ်စ် သတင်းဌာနကဖော်ပြခဲ့သည်။
၂၀၂၃ ခုနှစ်တစ်နှစ်လုံးအတွက် ရုရှားဓာတ်ငွေ့တင်ပို့မှုကိန်းဂဏန်းပမာဏသည် ကုဗမီတာ ၂၈ ဒသမ ၁၅ ဘီလျံခန့် ရှိသည်ဟုလည်း အစီရင်ခံစာအရသိရသည်။
ယခုနှစ် ပထမ ၁၀ လအတွင်း ရုရှား၏ပိုက်လိုင်းမှတစ်ဆင့်ဓာတ်ငွေ့တင်ပို့မှုကို ယူကရိန်းမှတစ်ဆင့်ပြုလုပ်ခဲ့ခြင်းဖြစ်ပြီး ဥရောပအလယ်ပိုင်းနှင့်အနောက်ပိုင်းများသို့ ဓာတ်ငွေ့တင်ပို့မှုသည် စုစုပေါင်း ကုဗမီတာ ၁၂ ဒသမ ၈၅ ဘီလျံရှိပြီး တစ်နှစ်ထက်တစ်နှစ် ၇ ရာခိုင်နှုန်းတိုးလာခဲ့သည်ဟုလည်းသိရသည်။
ယူကရိန်းသမ္မတဇလန်းစကီးကမူ ယခုနှစ်ကုန်တွင် သက်တမ်းကုန်ဆုံးမည့် ရုရှားဓာတ်ငွေ့ကုမ္ပဏီ Gazprom နှင့် ယူကရိန်းကိုဖြတ်မည့်သယ်ယူရေးသဘောတူညီချက်ကို သက်တမ်းတိုးမည်မဟုတ်ကြောင်း ယူကရိန်းကကြေငြာခဲ့သည်။
ရုရှားနှင့်ယူကရိန်းကြား တင်းမာမှုများကြောင့် ကူးသန်းရောင်းဝယ်ရေး သဘောတူညီချက်ကို သက်တမ်းတိုးရန် မဖြစ်နိုင်သော်လည်း အီးယူနိုင်ငံများသည် လေလံပွဲများ၊နေရာဒေသ တခုလုံးကိုကြိုတင်စာရင်းသွင်းမှုများနှင့် ဓာတ်ငွေ့ပေးပို့မည့် နေရာများကို ပြင်ဆင်ပြောင်းလဲခြင်းဖြင့် ရုရှားဓာတ်ငွေ့ကို ရနိုင်သေးကြောင်း ကျွမ်းကျင်သူများကပြောကြားခဲ့ကြသည်။
Source : ရှင်းဟွာ
-
■ ဘွန်ဒစ်လီဂါကလပ် ဆန့်ပေါ်လီအသင်း လူမှုကွန်ရက် X မှ နုတ်ထွက်
-
■ မန်ယူတိုက်စစ်မှူးဟောင်း ဖော်လန် ဥရုဂွေးအိုးပင်း ပရိုတင်းနစ်ပြိုင်ပွဲ အဖွင့်ပွဲစဉ်တွင် ရှုံးပွဲကြုံတွေ့
-
■ ကူဒူစ်ကို အနည်းဆုံးပေါင်(၈၅)သန်းရမှ ဝက်စ်ဟမ်းအသင်း ရောင်းမည်
-
ကူးစက်မြန် ကိုရိုနာဗိုင်းရပ်စ်မျိုးကွဲသစ် B.1.1.7 အကြောင်းတစေ့တစောင်း
-
ရန်သူများ၏ မည်သည့် တိုက်ခိုက်မှုမျိုးကိုမဆို လက်တုံ့ပြန်သွားမည်ဟု အီရန်တပ်ဖွဲ့ ထုတ်ပြန်
