ရှမ်းပြည်နယ်(အရှေ့ပိုင်း)၊ မိုင်းယုမြို့၊ ဒေါင်နေကျေးရွာ၌ ရှမ်းရိုးရာဓလေ့ ကထိန်ဆင်ဆွဲပွဲတော်ကို နိုဝင်ဘာ (၅)ရက်နေ့မှ (၇)ရက်ထိ (၃)ရက်တိုင်တိုင် ကျင်းပပြုလုပ်သွားမည်ဖြစ်ကြောင်း သိရသည်။
ရှမ်းတိုင်းရင်းသားတို့သည် မိမိတို့ ဒေသဖွံ့ဖြိုးတိုးတက်လာစေရေး၊ ဆန်ရေစပါး၊ ကောက်ပဲသီးနှံ၊ စီးပွားရေးလာဘ်လာဘ တိုးတက်ကောင်းမွန်စေရန်နှင့် သဘာဝဘေးများ မရှိစေရန်အတွက် ရည်မှန်း၍ တစ်နှစ်လျှင် တစ်ရွာစီဖြင့် အလှည့်ကျကျင်းပလေ့ရှိသည့် ရိုးရာဓလေ့ဆင်ဆွဲ အလှူပွဲတော်ကို ကျင်းပခြင်းဖြစ်ကြောင်း သိရသည်။
အဆိုပါ ဆင်ဆွဲအလှူပွဲတော်ကို တစ်နှစ်လျှင် တစ်ရွာစီဖြင့် ကျရာရပ်ကွက်၊ ကျေးရွာများမှ တိုင်းရင်းသားတို့က အစုအဖွဲ့လိုက် ဆင်ရုပ်၊ မြင်းရုပ်များ ကြိုတင်ပြင်ဆင်ပြုလုပ်ထားကြပြီး အလှူပွဲကျင်းပသည့် နေ့ရက်၌ ယင်းအရုပ်များပေါ်တွင် မိမိတို့ စိတ်စေတနာသဒ္ဒါတရား ထက်သန်သည့် အပေါ် လှူဖွယ်ပစ္စည်းအမျိုးမျိုးနှင့် ဝတ္ထုငွေများကို စုပေါင်းလှူဒါန်းထားကြောင်း လှူဖွယ်ဝတ္ထုပစ္စည်းများ ဆင်ယင်ထားသည့် ဆင်ရုပ်၊ မြင်းရုပ်များကို ရွာအတွင်း လှည့်လည်ကာ ဘုန်းတော်ကြီးကျောင်းတိုက်သို့ ဆက်ကပ်လှူဒါန်းနည်းဖြစ်ကြောင်း သိရသည်။
ထို့ပြင် ပွဲတော်ကျင်းပသည့် နေ့ရက်များ၌ ရှမ်းတိုင်းရင်းသူများက ရိုးရာလမ်းမုန်း အကများ၊စတုဒီသာများကျွေးမွေ့မည့်အပြင်ညဘက်တွင် အိုးစည်ဗုံမောင်းများ၊ ရှမ်းရိုးရာအကများဖြင့် ဖျော်ဖြေမည်ဖြစ်ကြောင်း သိရသည်။
-
■ ဘွန်ဒစ်လီဂါကလပ် ဆန့်ပေါ်လီအသင်း လူမှုကွန်ရက် X မှ နုတ်ထွက်
-
■ မန်ယူတိုက်စစ်မှူးဟောင်း ဖော်လန် ဥရုဂွေးအိုးပင်း ပရိုတင်းနစ်ပြိုင်ပွဲ အဖွင့်ပွဲစဉ်တွင် ရှုံးပွဲကြုံတွေ့
-
■ ကူဒူစ်ကို အနည်းဆုံးပေါင်(၈၅)သန်းရမှ ဝက်စ်ဟမ်းအသင်း ရောင်းမည်
-
ကူးစက်မြန် ကိုရိုနာဗိုင်းရပ်စ်မျိုးကွဲသစ် B.1.1.7 အကြောင်းတစေ့တစောင်း
-
ရန်သူများ၏ မည်သည့် တိုက်ခိုက်မှုမျိုးကိုမဆို လက်တုံ့ပြန်သွားမည်ဟု အီရန်တပ်ဖွဲ့ ထုတ်ပြန်
