နူးဒေလီ၊နိုဝင်ဘာ ၁
နူးဒေလီ၌ ဒီပါဝလီပွဲကျင်းပရာတွင် ဗျောက်အိုးများ၊မီးပန်းများမဖောက်ဘဲကျင်းပရန်ညွှန်ကြားထားပြီး ရောင်းချမှုကိုထိန်းချုပ်ထားသော်လည်း အများစုကမလိုက်နာသဖြင့် ဒီပါဝလီအပြီးတွင် နူးဒေလီနှင့်အနီးတစ်ဝိုက်သည် ကမ္ဘာ့လေထုအညစ်ညမ်းဆုံးမြို့များစာရင်း၌ပါဝင်လာခဲ့သည်။
ဒေလီနှင့်အနီးတစ်ဝိုက်မှ ပြည်သူများသည် သတိပေးအဆင့်ထက်ကျော်လွန်ပြီး မီးရှူးမီးပန်းများကို ညလုံးပေါက်ဖောက်ကာ ရိုးရာပွဲတော်ကိုကျင်းပခဲ့ကြသဖြင့် လေထုညစ်ညမ်းမှုဖြစ်ပေါ်ခဲ့ရခြင်းဖြစ်ကြောင်း မီဒီယာများတွင်ဖော်ပြထားသည်။
ထို့ကြောင့် သောကြာနေ့နံနက်၌ မြို့တော်ရှိ လေထုညစ်ညမ်းမှုစောင့်ကြည့်ရေးဌာနများ၏ ညွှန်းကိန်းများက လေထုအရည်အသွေး အလွန်ညံ့ဖျင်းနေသည်ဟုညွှန်ပြနေခဲ့ကြသည်။
အာဏာပိုင်များကမူ နှလုံး သို့မဟုတ် အဆုတ်ရောဂါအခံရှိသူများကို အထူးဆင်ခြင်ရန်နေထိုင်ရန်သတိပေးထားပြီး သက်ကြီးရွယ်အိုများနှင့် ကလေးငယ်များသည် ကြာရှည်ပြီးပြင်းထန်သည့် ကိုယ်လက်လှုပ်ရှားမှုများ၊ခန္ဓာကိုယ်ပင်ပမ်းစေမည့်အလုပ်များကို ရှောင်ကြဉ်သင့်သည်ဟုလည်းတိုက်တွန်းထားသည်။
Source : ရှင်းဟွာ
-
■ ဘွန်ဒစ်လီဂါကလပ် ဆန့်ပေါ်လီအသင်း လူမှုကွန်ရက် X မှ နုတ်ထွက်
-
■ မန်ယူတိုက်စစ်မှူးဟောင်း ဖော်လန် ဥရုဂွေးအိုးပင်း ပရိုတင်းနစ်ပြိုင်ပွဲ အဖွင့်ပွဲစဉ်တွင် ရှုံးပွဲကြုံတွေ့
-
■ ကူဒူစ်ကို အနည်းဆုံးပေါင်(၈၅)သန်းရမှ ဝက်စ်ဟမ်းအသင်း ရောင်းမည်
-
ကူးစက်မြန် ကိုရိုနာဗိုင်းရပ်စ်မျိုးကွဲသစ် B.1.1.7 အကြောင်းတစေ့တစောင်း
-
ရန်သူများ၏ မည်သည့် တိုက်ခိုက်မှုမျိုးကိုမဆို လက်တုံ့ပြန်သွားမည်ဟု အီရန်တပ်ဖွဲ့ ထုတ်ပြန်
