ဖေဖော်ဝါရီ ၁ ရက် ညနေပိုင်းတွင် ကျင်းပသည့် ဒုတိယအကြိမ်မြောက် သွေးချင်းတို့ရဲ့ပွဲတော်ဆီ ဖွင့်ပွဲ အခမ်းအနားသို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက်ခဲ့သည်။
အခမ်းအနားကို စက်ခလုတ်နှိပ် ဖွင့်လှစ်ခဲ့ပြီး နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က အမှာစကား ပြောကြားခဲ့သည်။
ထို့နောက် နိုင်ငံတော်၏ အတိုင်ပင်ခံပုဂ္ဂိုလ် နှင့် ပြည်ထောင်စုဝန်ကြီးများက တိုင်းရင်းသားများ၏ ရိုးရာယဉ်ကျေးမှုပြခန်းကို လှည့်လည်ကြည့်ရှုခဲ့သည်။
အခမ်းအနားသို့ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ဒုတိယသမ္မတ ဦးဟင်နရီဗန်ထီးယူ၊ပြည်ထောင်စုဝန်ကြီးများ၊ရန်ကုန်တိုင်းဒေသကြီးအစိုးရအဖွဲ့၊နိုင်ငံတကာသံရုံးများမှ သံအမတ်များတက်ရောက်ခဲ့ကြသည်။
အဆိုပါ သွေးချင်းတို့ရဲ့ပွဲတော်ဆီ ပွဲတော်တွင် တိုင်းရင်းသား တို့၏ ယဉ်ကျေးမှု ရိုးရာဓလေ့များ ၊ နေထိုင်မှု ပုံစံများ ၊ ဝတ်စား ဆင်ယဉ်မှုများ ပြခန်းများ ပြသထားကြောင်း သိရသည်။
ထို့ပြင် နိုင်ငံကျော် တေးတံရှင်များ၏ ဖျော်ဖြေတင်ဆက်မှုများ၊တိုင်းရင်းသား လူမျိုးတစ်စု ချင်းစီ၏ စုပေါင်းအကအလှများ၊ဈေးဆိုင်ခန်းများ၊ကုန်ပစ္စည်းအရောင်းပြခန်းလည်း ပါဝင်သည်။
သွေးချင်းတို့ရဲ့ပွဲတော်ဆီ ပွဲကို ကျိုက္ကစံအားကစားကွင်းအတွင်း ဖေဖော်ဝါရီ ၁ ရက်မှ ၇ ရက်အထိ ကျင်းပမည်ဖြစ်ကြောင်း သိရသည်။
-
မန္တလေးမြို့ မဟာမုနိရုပ်ရှင်တော်မြတ်ကြီး အား (၃၅) ကြိမ်မြောက် မသိုးမြတ်သင်္ကန်းတော် ရက်လုပ်ကပ်ပူဇော်
-
ရန်ကုန်ဗုဒ္ဓတက္ကသိုလ်တွင် Eleven Media Group မိသားစုက ခုနစ်ကြိမ်မြောက် ကထိန်အလှူတော် ပြုလုပ်
-
■ ဘွန်ဒစ်လီဂါကလပ် ဆန့်ပေါ်လီအသင်း လူမှုကွန်ရက် X မှ နုတ်ထွက်
-
■ မန်ယူတိုက်စစ်မှူးဟောင်း ဖော်လန် ဥရုဂွေးအိုးပင်း ပရိုတင်းနစ်ပြိုင်ပွဲ အဖွင့်ပွဲစဉ်တွင် ရှုံးပွဲကြုံတွေ့
-
■ ကူဒူစ်ကို အနည်းဆုံးပေါင်(၈၅)သန်းရမှ ဝက်စ်ဟမ်းအသင်း ရောင်းမည်
