ဖေဖော်ဝါရီ ၁ ရက် ည ၇ နာရီခန့်က ကရင်ပြည်နယ်၏ ကျက်သရေဆောင် ဇွဲကပင်တောင်တွင် မီးလောင်မှု ဒုတိယအကြိမ် ဖြစ်ပွားခဲ့ကြောင်း သိရသည်။
“ဒီတစ်ကြိမ်နဲ့ဆိုရင် ဇွဲကပင်တောင် မီး လောင်မှု နှစ်ကြိမ်ဖြစ်ပွားခဲ့ပြီပေါ့။ လွန်ခဲ့တဲ့ လေးလကျော်က ဇွဲကပင်တောင်အရှေ့ဘက် ဗျိုင်းတောင်ကျေးရွာအထက်နားက ဇွဲကပင် နောင်ကမ်းပါးကနေ မီးလောင်မှုဖြစ်ပွားခဲ့ ပြီး အခုက ဇွဲကပင်တောင် အနောက်ဘက် တော်ပုံကျေးရွာအထက် ချောက်ကမ်းပါး က နေ စတင်မီးလောင်မှုဖြစ်ပွားရခြင်း ဖြစ်ပါ တယ်။ လူရှို့မီးတော့လည်း မဟုတ်ဘူး။ ရိုးရိုး တောမီးလောင်တယ်လို့ပဲ ယူဆရပါတယ်” ဟု တော်ပုံကျေးရွာဒေသခံတစ်ဦးက ပြောကြားသည်။
ကရင်ပြည်နယ်၏ ကျက်သရေဆောင် ဇွဲကပင်တောင်သည် ဘားအံမြို့နှင့် ရှစ်မိုင် အကွာ၌ တည်ရှိပြီး ပေပေါင်း၂၇၀၀ ကျော် မြင့်မားကာ၂၀၁၅ ခုနှစ်နောက်ပိုင်း ပြည် တွင်းပြည်ပခရီးသွားများ စိတ်ဝင်စားမှုမြင့် တက်လာခဲ့ပြီး နေ့စဉ်တောင်တက်သူများ လာရောက်တက်လေ့ရှိကြောင်းသိရသည်။
“ဇွဲကပင်တောင်ပေါ် တက်လေ့ရှိတာက ဘုရားပွဲတော် ကျင်းပလေ့ရှိတဲ့ တပေါင်း လပြည့်နေ့လိုမျိုးမှာပဲ ရပ်ဝေးရပ်နီး ခရီးသည် တွေ လာရောက်တက်ရောက်လေ့ရှိပါတယ်။ ၂၀၁၅ ခုနှစ်နောက်ပိုင်းမှာတော့ နယ်မြေ အေးချမ်းမှုနဲ့ ဇွဲကပင်တောင် ကေဘယ်ကား စီမံကိန်းကြောင့် လူအများစိတ်ဝင်စားမှုများ လာပြီး နေ့စဉ်လိုလို တောင်ပေါ် တက်ရောက် သူတွေရှိတာ တွေ့ရပါတယ်” ဟု ဘားအံမြို့ ဒေသခံတစ်ဦးက ဆိုသည်။
ဖေဖော်ဝါရီ ၁ ရက် ည ၇ နာရီခန့်မှ စတင်လောင်ကျွမ်းနေသည့် ဇွဲကပင်တောင် မီးလောင်မှုကို ကရင်ပြည်နယ် မီးသတ်တပ် ဖွဲ့ဝင်များက မီးငြိှမ်းသတ်ယာဉ်များဖြင့် အခြေအနေ စောင့်ကြည့်လျက်ရှိပြီး ဇွဲကပင်တောင် ခြေတွင် အသင့်ပြင်ဆင်ထားမှုရှိကြောင်း သိရသည်။
-
မန္တလေးမြို့ မဟာမုနိရုပ်ရှင်တော်မြတ်ကြီး အား (၃၅) ကြိမ်မြောက် မသိုးမြတ်သင်္ကန်းတော် ရက်လုပ်ကပ်ပူဇော်
-
ရန်ကုန်ဗုဒ္ဓတက္ကသိုလ်တွင် Eleven Media Group မိသားစုက ခုနစ်ကြိမ်မြောက် ကထိန်အလှူတော် ပြုလုပ်
-
■ ဘွန်ဒစ်လီဂါကလပ် ဆန့်ပေါ်လီအသင်း လူမှုကွန်ရက် X မှ နုတ်ထွက်
-
■ မန်ယူတိုက်စစ်မှူးဟောင်း ဖော်လန် ဥရုဂွေးအိုးပင်း ပရိုတင်းနစ်ပြိုင်ပွဲ အဖွင့်ပွဲစဉ်တွင် ရှုံးပွဲကြုံတွေ့
-
■ ကူဒူစ်ကို အနည်းဆုံးပေါင်(၈၅)သန်းရမှ ဝက်စ်ဟမ်းအသင်း ရောင်းမည်
