ကယားပြည်နယ်၊ လွိုင်ကော်မြို့ရှိ လွိုင်ကော်စက်မှုဇုန်ပြန်လည်လည်ပတ်နိုင်ရန် ဆောင်ရွက်လျက်ရှိခြင်းနှင့်ပတ်သက်၍ ကယားပြည်နယ်ဝန်ကြီးချုပ် ဦးဇော်မျိုးတင်မှ ယမန်နေ့ အောက်တိုဘာ ၃၁ ရက်မွန်းလွဲပိုင်းကကျင်းပသည့် လွိုင်ကော်စက်မှုဇုန်ပြန်လည်လည်ပတ်နိုင်ရေး လုပ်ငန်းညှိနှိုင်းအစည်းအဝေးတွင် ပြောကြားခဲ့သည်။
စက်မှုဇုန်လုပ်ငန်းများ ပြန်လည်လည်ပတ်နိုင်ရန် ပြည်နယ်အစိုးရအဖွဲ့မှ လုံခြုံရေး၊ လျှပ်စစ်မီးရရှိရေး၊ ဝင်ထွက်လမ်းများ ကောင်းမွန်ရေး၊ လုပ်ငန်းများလုပ်ကိုင်ရာ၌လိုအပ်သည့် အရင်းအနှီးများအတွက် နိုင်ငံ့စီးပွားမြှင့်တင်ရေးရန်ပုံငွေမှ ချေးငွေများရရှိရေးတို့ကို ဥပဒေ၊ လုပ်ထုံးလုပ်နည်းများနှင့်အညီ ကူညီပေးသွားမည်ဟု ပြောသည်။
ထို့ပြင် ကယားပြည်နယ်သည် အခြေအနေအမျိုးမျိုးကြောင့် စီးပွားရေးဖွံ့ဖြိုးမှုနောက်ကျခဲ့သဖြင့် ယခုချိန်မှစ၍ ပြည်နယ်၏စက်မှုကဏ္ဍဖွံ့ဖြိုးတိုးတက်စေရန် စက်မှုဇုန်ရှိလုပ်ငန်းများအပြည့်အဝပြန်လည်လည်ပတ်နိုင်ရေးကို ကြိုးပမ်းဆောင်ရွက်ရမည်ဟု မှာကြားသည်။
ထို့အတူ စက်မှုဇုန်အတွင်း စိုက်ပျိုးမွေးမြူရေးကိုအခြေခံသော ကုန်ထုတ်လုပ်ငန်းများ၊ သစ်ကိုအခြေခံသော ကုန်ချောထုတ်လုပ်သည့်လုပ်ငန်းများ၊ ဝါးအခြေခံသောလုပ်ငန်းများ၊ ဆန်စက်၊ ဆီစက်၊ ပြောင်းအခြောက်ခံစက်လုပ်ငန်းများကို အဓိကထားပြန်လည်လုပ်ကိုင်သွားရမည်ဟု မှာကြားခဲ့သည်။
ထို့နောက် တာဝန်ရှိသူများမှ လွိုင်ကော်စက်မှုဇုန် ပြန်လည်လည်ပတ်နိုင်ရေး ဆောင်ရွက်ထားရှိမှု၊ စက်မှုဇုန်အတွင်း လျှပ်စစ်ဓါတ်အားလိုင်းများ သွယ်တန်းချိတ်ဆက်ပေးရန်နှင့် ဝင်ထွက်လမ်းများဆောင်ရွက်မည့် အခြေအနေနှင့် အခြားဆောင်ရွက်လျက်ရှိသည့် အခြေအနေများကို ရှင်းလင်းတင်ပြခဲ့ကြကြောင်း သိရသည်။
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
-
ဖိလစ်ပိုင်မြောက်ပိုင်းတွင် တိုင်ဖွန်းအူဆာဂီ ဝင်ရောက်တိုက်ခတ်မှုကြောင့် လူပေါင်းထောင်နှင့်ချီ ဘေးလွတ်ရာရွှေ့ပြောင်း
-
ဆော်လမွန်ကျွန်းနိုင်ငံအနီးတွင် ကမ္ဘာ့အကြီးဆုံး သန္တာကျောက်တန်း တွေ့ရှိ
