ရာသီဥတုဖောက်ပြန်ပြောင်းလဲမှု မြင့်တက်နေချိန်တွင် သြစတြီးယား၊ ပြင်သစ်၊ ဂျာမနီ၊ ပိုလန်နှင့် ဆွစ်ဇာလန်နိုင်ငံတို့က ၎င်းတို့၏ အပူဆုံးစံချိန်တင် စက်တင်ဘာလကို ကြုံတွေ့ခဲ့ကြောင်း စက်တင်ဘာ ၂၉ ရက်တွင် ထုတ်ပြန်ကြေညာခဲ့သည်။
ကမ္ဘာ့မြောက်ခြမ်းနွေရာသီတွင် ကမ္ဘာ့အပူချိန်များသည် စံချိန်တင်မြင့်တက်နေကြောင်း ဥရောပသမဂ္ဂရာသီဥတု စောင့်ကြည့်လေ့လာသူများက ယခုလအစောပိုင်းတွင် ပြောကြားခဲ့ပြီးနောက် ဥရောပတွင် ပုံမှန်မဟုတ်သော ပူပြင်းသောရာသီဥတုကြုံတွေ့ခဲ့ရခြင်းဖြစ်သည်။
ပြင်သစ်နိုင်ငံတွင် ပျမ်းမျှ စက်တင်ဘာလအပူချိန်သည် ၁၉၉၁ခုနှစ်-၂၀၂ဝပြည့်နှစ် ရည်ညွှန်းကာလအထက် ၃ ဒသမ ၅ ဒီဂရီ ဆဲလ်စီးယက်စ်နှင့် ၃ ဒသမ ၆ ဒီဂရီဆဲလ်စီး ယက်စ်ကြားဖြစ်သော ၂၁ ဒသမ ၅ ဒီဂရီဆဲလ် စီးယက်စ်ဝန်းကျင်ရှိလိမ့်မည်ဟု ပြင်သစ်မိုးလေဝသအာဏာပိုင်အဖွဲ့ Meteo-France က ပြောကြားခဲ့သည်။
ပြင်သစ်၏ ပျမ်းမျှအပူချိန်များသည် နှစ်နှစ်နီးပါး တစ်သမတ်တည်းရှိခဲ့သော စံနှုန်းများကို လစဉ်ကျော်လွန်ခဲ့သည်။
အိမ်နီးချင်းဂျာမနီနိုင်ငံတွင် နိုင်ငံတစ် ဝန်းလုံးဆိုင်ရာမှတ်တမ်းများစတင်ခဲ့ပြီး နောက် ယခုလသည် အပူဆုံးစက်တင်ဘာလ ဖြစ်ပြီး ၁၉၆၁-၁၉၉၀ အခြေခံအမှတ်ထက် အပူချိန် ၄ ဒီဂရီဆဲလ်စီးယက်စ် ပိုမိုမြင့်တက်နေသည်။
ပိုလန်မိုးလေဝသဌာန၏ ထုတ်ပြန်ချက်အရ စက်တင်ဘာလအပူချိန်သည် ပျမ်းမျှအပူချိန်ထက် ၃ ဒသမ ၆ ဒီဂရီဆဲလ်စီးယက်စ် ပိုမိုမြင့်တက်နေပြီး မှတ်တမ်းစတင်ကောက်ယူခဲ့သည့် လွန်ခဲ့သောနှစ်ပေါင်း ၁၀၀ ကျော် နောက်ပိုင်း အပူဆုံးလဖြစ်သည်ဟုဆိုသည်။
အလွန် ပူနွေးလာချိန်အတွင်းဆွစ်ဇာလန်ရေခဲမြစ်များသည် နှစ်နှစ်အတွင်း ၎င်းတို့ ထုထည်၏ ၁၀ ရာခိုင်နှုန်းကို ဆုံးရှုံးခဲ့ကြောင်း လေ့လာတွေ့ရှိချက်တစ်ရပ်ကို ထုတ်ပြန်ခဲ့ပြီး နောက်တစ်ရက်အကြာတွင် သြစတြီးယားနှင့် ဆွစ်ဇာလန်နိုင်ငံ၏ အမျိုးသားမိုးလေဝသဌာနများက ၎င်းတို့၏အပူဆုံး စက်တင်ဘာလကို ကြုံတွေ့ခဲ့သည်ဟု ထုတ်ပြန်ခဲ့သည်။
စပိန်နှင့်ပေါ်တူဂီ အမျိုးသားမိုးလေဝသဌာနများကလည်း ပုံမှန်မဟုတ်သော ပူနွေးသည့်အပူချိန်များကို ယခုသီတင်းပတ်ကုန်တွင် ကြုံတွေ့ရမည်ဖြစ်ကြောင်း သတိပေးမှုနှင့်အတူ စပိန်နိုင်ငံတောင်ပိုင်းရှိ နေရာအများအပြားတွင် စက်တင်ဘာ ၂၉ ရက်၌အပူချိန်သည် ၃၅ ဒီဂရီဆဲလ်စီးယက်စ်အထက်တွင် ရှိခဲ့သည်။
ကမ္ဘာကြီးသည် စက်မှုခေတ်မတိုင်မီအဆင့်များထက်အပူချိန် ၁ ဒသမ ၂ ဒီဂရီ ဆဲလ်စီးယက်စ်ဝန်းကျင် မြင့်တက်လာခဲ့ခြင်းနှင့်အတူလူသားများ၏ လုပ်ဆောင်မှုကြောင့် ရာသီဥတုဖောက်ပြန်ပြောင်းလဲမှုသည် ကမ္ဘာ့အပူချိန်ကို ပိုမိုမြင့်တက်လာစေသည်ဟု သိပ္ပံပညာရှင်များက ပြောကြားခဲ့သည်။
၂၀၂၃ ခုနှစ်၏ စက်တင်ဘာလသည် လူသားသမိုင်းတွင် အပူဆုံးနှစ်ဖြစ်ဖွယ်ရှိသည်ဟု ဥရောပသမဂ္ဂ၏ Copernicus Climate Change အဖွဲ့က ယခုလအစောပိုင်းတွင် အေအက်ဖ်ပီသတင်းကို ပြောကြားခဲ့သည်။
အယ်နီညိုရာသီဥတုဖြစ်စဉ်ကြောင့် အပူချိန်ပိုမိုမြင့်တက်လာဖွယ်ရှိပြီး ကမ္ဘာကြီး၏ ရာသီဥတုစနစ်များအပေါ် အနှောင့်အယှက် ဖြစ်ပေါ်ခြင်းသည် အပူလှိုင်းများ၊ မိုးခေါင်မှု၊ တောမီးများနှင့် မုန်တိုင်းများကဲ့သို့ ဆိုးရွားသောရာသီဥတုဖြစ်စဉ်များ မကြာခဏဖြစ်ပေါ်ကာ ပိုမိုပြင်းထန်လာခဲ့သည်။
-
ရန်ကုန်ဗုဒ္ဓတက္ကသိုလ်တွင် Eleven Media Group မိသားစုက ခုနစ်ကြိမ်မြောက် ကထိန်အလှူတော် ပြုလုပ်
-
■ ဘွန်ဒစ်လီဂါကလပ် ဆန့်ပေါ်လီအသင်း လူမှုကွန်ရက် X မှ နုတ်ထွက်
-
■ မန်ယူတိုက်စစ်မှူးဟောင်း ဖော်လန် ဥရုဂွေးအိုးပင်း ပရိုတင်းနစ်ပြိုင်ပွဲ အဖွင့်ပွဲစဉ်တွင် ရှုံးပွဲကြုံတွေ့
-
■ ကူဒူစ်ကို အနည်းဆုံးပေါင်(၈၅)သန်းရမှ ဝက်စ်ဟမ်းအသင်း ရောင်းမည်
-
ကူးစက်မြန် ကိုရိုနာဗိုင်းရပ်စ်မျိုးကွဲသစ် B.1.1.7 အကြောင်းတစေ့တစောင်း
