Top News

မန်စီးတီးအသင်း၏ ဒဏ်ရာရစာရင်းတွင် ဆယ်ဗင်ညိုနှင့် အကန်ဂျီ ထပ်တိုးလာ

24htopnews | November 1, 2024 5:12 PM CST

မန်စီးတီးအသင်း၏ ဒဏ်ရာရကစားသမားစာရင်းတွင် တောင်ပံကစားသမား ဆယ်ဗင်ညိုနှင့် နောက်ခံလူ အကန်ဂျီတို့ ထပ်တိုးလာကြောင်း သိရသည်။

အောက်တိုဘာ ၃၀ ရက်က စပါးအသင်းအား ရှုံးနိမ့်သည့် လိဂ်ဖလားပွဲစဉ်မတိုင်မီ သွေးပူလေ့ကျင့်ခန်းပြုလုပ်စဉ် အကန်ဂျီ ဒဏ်ရာရရှိသွားသဖြင့် ပွဲထွက်စာရင်းမှ နုတ်ထွက်ခဲ့ရသည်။

ထို့ပြင် ဆယ်ဗင်ညိုမှာလည်း ခြေချင်းဝတ်ထိခိုက်မိသဖြင့် ဒုတိယပိုင်း ၆၃ မိနစ်တွင် လူစားလဲခဲ့ရပြီး ထမ်းစင်ဖြင့် သယ်ထုတ်သွားခဲ့ရသည်။

''ကျွန်တော်တို့မှာ ကစားသမား ၁၃ ဦးပဲ ရှိပါတယ်။ အဲဒါက တကယ်ကိုခက်ခဲပါတယ်။ ကျွန်တော်တို့ ဒုက္ခရောက်နေတယ်လို့ထင်တယ်။ ဘာလို့လဲဆိုတော့ ကိုးနှစ်အတွင်းမှာ ဒဏ်ရာတွေအများကြီးနဲ့ အခြေအနေမျိုး တစ်ခါမှမကြုံဖူးပါဘူး'' ဟု နည်းပြဖြစ်သူ ဂွါဒီယိုလာက ပွဲအပြီးတွင် ပြောကြားသည်။