COVID-19 ကူးစက် ဖြစ်ပွားမှုကြောင့် မန္တလေးဘူတာကြီးများ ထွက်ခွာပြေးဆွဲနေသည့် ရထားခရီးစဉ်များကို လျှော့ချရပ်နားထားရာ လက်ရှိ ဖေဖော်ဝါရီ ၄ ရက်တွင် ရထားခရီးစဉ်အချို့ ပြန်လည်ပြေးဆွဲကာ ဖေဖော်ဝါရီ ၅ ရက်တွင် ရထားခရီးစဉ်များအားလုံး ပုံမှန်အတိုင်း ပြန်လည် ပြေးဆွဲမည်ဖြစ်ကြောင်း သိရသည်။
ပြီးခဲ့သည့်လ စက်တင်ဘာလအတွင်းမှ စတင်ကာ COVID-19 ကူးစက်ဖြစ်ပွားမှု ကာကွယ်ရန်အတွက် ရာထားခရီးစဉ်များကို ရပ်နားခဲ့ခြင်းဖြစ်ပြီး မဖြစ်မနေ ခရီးသွားများ အဆင်ပြေရန်အတွက် မန္တလေးဘူတာကြီးမှ ရထားနှစ်စင်းသာ ထွက်ခွာပြေးဆွဲနေရာမှ ဖေဖော်ဝါရီ ၄ ရက်တွင် မန္တလေး-ရန်ကုန်၊ မန္တလေး-မြစ်ကြီးနား၊ မန္တလေး-ကောလင်း နှင့် မန္တလေး-မတ္တရာ ရထားခရီးစဉ်များကို ပုံမှန်အချိန်များအတိုင်း ပြန်လည် ပြေးဆွဲလျက်ရှိကြောင်း သိရသည်။
“ဒီနေ့ ပြန်ပြေးဆွဲနေတာတွေက မန္တလေး-မတ္တရာ ရထားရှိမယ်။ မန္တလေး- ကောလင်း (အမှတ် ၅၃ အဆန် RBE ရထား) ရှိမယ်။ မန္တလေး - ရန်ကုန် ခရီးစဉ် ရထားနှစ်စင်းနဲ့ မန္တလေး - မြစ်ကြီးနားလမ်းပိုင်းမှာ နှစ်စင်း ပြန်ပြေးဆွဲပါပြီ။ ကျန်ရှိနေတဲ့ ရထားခရီးစဉ်တွေကိုတော့ မနက်ဖြန်မှာ အကုန်ပြေးဆွဲမှာပါ။ အရင်ပုံမှန် ထွက်နေကျ အချိန်တွေအတိုင်း အပြောင်းအလဲ မရှိပါဘူး”ဟု မန္တလေးဘူတာကြီးမှ ရုံပိုင်ချုပ်ကြီးက ပြောကြားသည်။
မန္တလေးဘူတာကြီးမှ ထွက်ခွာပြေးဆွဲသည့် ရထားခရီးစဉ်များကို COVID-19 ရောဂါကူးစက်မှု ကာကွယ်ထိန်းချုပ်ရေး စည်းကမ်းချက်များနှင့်အညီ ခရီးသည်များအား နေရာချကာ ပြေးဆွဲမည်ဖြစ်ပြီး ရထားလက်မှတ် ရောင်းချခြင်းများကို ယခင်အတိုင်း ရက်ကြိုကာ စတင် ရောင်းချပေးလျက်ရှိပြီး ခရီးသည်များအနေဖြင့် တစ်ခုံစာ သတ်မှတ်စျေးသာပေး၍ ဝယ်ယူစီးနင်းနိုင်ကြောင်း သိရသည်။
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
