Top News

နေပြည်တော် ဥပ္ပါတသန္တိ တပေါင်းကွင်းတွင် တပ်မတော်အား ကြိုဆိုထောက်ခံပွဲ ပြုလုပ်

24htopnews | November 1, 2024 10:12 AM CST

ပြည်ထောင်စုနယ်မြေ နေပြည်တော် ဥပ္ပါတသန္တိဘုရား တပေါင်းကွင်းတွင် တပ်မတော်အား ကြိုဆိုထောက်ခံပွဲ ဖေဖော်ဝါရီ ၄ ရက်က ပြုလုပ်ခဲ့ကြောင်း သိရသည်။

တပ်မတော်အား ကြိုဆိုထောက်ခံကြောင်း ပြုလုပ်ခဲ့သည့်ပွဲတွင် “ပြည်ပအားကိုးပုဆိန်ရိုး အမျိုးသားရေး သစ္စာဖောက်များ အလိုမရှိ'၊ 'ဖွဲ့စည်းပုံအခြေခံဥပဒေ (၂၀၀၈ ခုနှစ်) နှင့်အညီ ဆောင်ရွက်လျက်ရှိသော မြန်မာ့တပ်မတော်အား ကြိုဆိုထောက်ခံပွဲ' စသည့် ဆိုင်းဘုတ်များ စိုက်ထူခဲ့ကြောင်း သိရသည်။

အဆိုပါ တပ်မတော်အား ကြိုဆိုထောက်ခံပွဲတွင် လူအင်အား ထောင်ချီ၍ ပါဝင်ခဲ့ပြီး ' ပြည်သူကို ချစ်သော၊ ပြည်သူက ချစ်သော တပ်မတော် အောင်မြင်ပါစေ'၊ 'တပ်မတော်သည် အမျိုးသားရေးကို ဘယ်တော့မှ သစ္စာမဖောက်' စသည့် ဗီနိုင်များ၊ တပ်မတော်ကာကွယ်ရေးဦးစီးချုပ်၏ ဓာတ်ပုံများကိုလည်း တက်ရောက်လာသူများက ကိုင်ဆောင်ခဲ့ကြကြောင်း သိရသည်။