Top News

NLD ပါတီမှ အနိုင်ရကိုယ်စားလှယ်များက စည်ပင်ဧည့်ရိပ်သာ (၂) တွင် လွှတ်တော်ခေါ်ယူ၍ ကျမ်းသစ္စာပြုမှုကို ထောက်ခံအားပေးသောအားဖြင့် လက်ခုပ်တီးလှုပ်ရှားမှု ရန်ကုန်မြို့တွင် ပြုလုပ်

24htopnews | November 1, 2024 10:12 AM CST

NLD ပါတီမှ အနိုင်ရကိုယ်စားလှယ်များက နေပြည်တော် စည်ပင်ဧည့်ရိပ်သာ (၂) တွင် လွှတ်တော်ခေါ်ယူ၍ ကျမ်းသစ္စာပြုမှုကို ထောက်ခံအားပေးသောအားဖြင့် ဖေဖော်ဝါရီ ၄ ရက်၊ ညနေ ၅ နာရီက လက်ခုပ်တီးလှုပ်ရှားမှု ရန်ကုန်မြို့တွင် ပြုလုပ်ခဲ့ကြောင်း သိရသည်။

အဆိုပါ လှုပ်ရှားမှုတွင် လက်ခုပ်တီးခြင်းအပြင် သံပုံးများ၊ အိုးခွက်ပန်ကန်များတီးခြင်းအပြင် NLD ပါတီအလံကိုလည်း လွှင့်ထူခဲ့ကြောင်း သိရသည်။

လက်ခုပ်တီးလှုပ်ရှားမှု ပြုလုပ်သူများက မိမိတို့ဆန္ဒမဲများဖြင့် ရွေးချယ် တင်မြောက်ထားသော ကိုယ်စားလှယ်များနှင့် တသားတည်း ရပ်တည်သွားမည် ဖြစ်ကြောင်းနှင့် အနိုင်ရ ကိုယ်စားလှယ်များကို အားပေးထောက်ခံကြောင်း ပြသသည့်အနေဖြင့် ၅ မိနစ်ကြာ လက်ခုပ်တီးကာ လှုပ်ရှားမှု ပြုလုပ်ခဲ့ကြောင်း သိရသည်။