လက်ရှိတွင် တူရကီကလပ် ဖီနာဘာချီအသင်းကို ကိုင်တွယ်နေသည့် ပေါ်တူဂီနာမည်ကျော်နည်းပြ မော်ရင်ဟိုက သူ၏နည်းပြဘဝ အဆုံးမသတ်မီ အင်္ဂလန်သို့ ပြန်လာလိုကြောင်း Sky Sports ရုပ်သံနှင့် အင်တာဗျူးတွင် ပြောကြားခဲ့သည်။
''ကျွန်တော့်မှာ အင်္ဂလန်ကလပ် သုံးသင်း ရှိခဲ့ပါတယ်။ အင်္ဂလန်မှာ မတူညီတဲ့ကာလလေးခုမှာ ကျွန်တော် နည်းပြခဲ့ပါတယ်။ ကျွန်တော် ဒီနိုင်ငံကို ချစ်မြတ်နိုးပါတယ်။ ပြီးတော့ ကျွန်တော့်လူမှုရေးအမြင်ဘက်က ကြည့်ရင် ဒီလိုမြို့များစွာမှာ နေထိုင်ခဲ့ရလို့ အများကြီးကံကောင်းပါတယ်။ ဒါပေမဲ့ ကျွန်တော့်မိသားစုကတော့ လန်ဒန်မှာ နေထိုင်ပါတယ်။ လန်ဒန်ဟာ အိမ်ပါပဲ။ ဒါကြောင့် တစ်နေ့ကျရင် ကျွန်တော် ပြန်လာမှာပါ။ ဘယ်သူမှ အလိုမရှိခဲ့ရင်လည်း တစ်နေ့နေ့မှာ ကျွန်တော် ပြန်ပါလိမ့်မယ်။ အမှားအယွင်း တစ်စုံတစ်ရာ မရှိခဲ့ဘူးဆိုရင် နောက်ထပ်နှစ်နှစ်လောက်မှာ ဖြစ်မယ်ဆိုတာ သိသာရှင်းလင်းပါတယ်။ ဒီရာသီနဲ့ နောက်ရာသီပေါ့''ဟု မော်ရင်ဟိုက ပြောကြားခဲ့သည်။
မော်ရင်ဟိုသည် လက်ရှိကလပ် ဖီနာဘာချီအသင်းနှင့် (၂)နှစ်စာချုပ် ချုပ်ဆိုထားခြင်းဖြစ်သည်။
မော်ရင်ဟိုက အင်္ဂလန်သို့ပြန်လာချိန်တွင် တန်းဆင်းဇုန်အတွက် တိုက်ပွဲဝင်ရမည့်အသင်းကိုမူ ကိုင်တွယ်လိုခြင်းမရှိဟုလည်း နောက်ပြောင်ပြောကြားခဲ့သည်။
-
လက်ရှိတွင် အချိုးကျကိုယ်စားပြုစနစ် (PR) မလိုအပ်သေးကြောင်းနှင့် ပြည်သူများသာမက နိုင်ငံရေးသမားများပင်လျှင် PR စနစ်ကို နားမလည်သေးကြောင်း မွန်ညီညွတ်ရေးပါတီ ပြောကြား
-
မြန်မာ့အရေးနှင့် ပတ်သက်ပြီး ဥပဒေမူဘောင်အတွင်း ညှိနှိုင်းတိုင်ပင်ဆွေးနွေးခြင်းကို အလျင်အမြန် ရှာကြံရေးအပေါ် ထောက်ခံကြောင်း တရုတ်နိုင်ငံ ပြောကြား
-
မိန်းကလေးငယ်များအား Facebook, TikTok များမှတစ်ဆင့် တရုတ်မယား ပြုလုပ်ရန် စည်းရုံးပြီး လူကုန်ကူးမှု ဂိုဏ်းဖွဲ့ကျူးလွန်သည့် တရုတ်နိုင်ငံသားနှင့် မြန်မာနိုင်ငံသားများအား မန္တလေးမြို့တွင် ဖမ်းဆီးရမိ
-
NMSP (AD) အဖွဲ့က ဖမ်းဆီးခေါ်ဆောင်သွားသည့် မုဒုံမြို့နယ် ကျိုက်ရွဲကျေးရွာရှိ ဟွန်ဒါမြန်မာ သစ်ပါးလွှာစက်ရုံမှ စက်ရုံမှူး၊ မန်နေဂျာနှင့် တရုတ်နိုင်ငံသားပညာရှင်တစ်ဦးတို့ ပြန်လည်လွတ်မြောက်လာဟုဆို
-
ရွှေနိုင်ငံစာပေနှင့် ပိုစတာဖြန့်ချိရေးလုပ်ငန်း၏ ပုံနှိပ်ခြင်းနှင့် ထုတ်ဝေခြင်းလုပ်ငန်း အသိအမှတ်ပြုလက်မှတ်အား ရုပ်သိမ်း
