ကုလသမဂ္ဂလူသားချင်းဆိုင်ရာ စာနာမှုညှိနှိုင်းရေးရုံး (OCHA) နှင့် ကုလသမဂ္ကကမ္ဘာ့စားနပ်ရိက္ခာအစီအစဉ်(WFP)က ရှမ်းပြည်နယ်အရှေ့ပိုင်း ၊တာချီလိတ်မြို့ရှိ ရေဘေးသင့်အိမ်ထောင်စု (၃,၀၀၀) အတွက် တစ်အိမ်ထောင်လျှင် ကျပ် (၃၁၀,၀၀၀) ထောက်ပံ့ပေးသွားမည် ဖြစ်ကြောင်း သိရသည်။
ထိုသို့ ထောက်ပံ့ပေးအပ်ရာတွင် အိမ်ထောင်စုများအား ရပ်ကွက်အုပ်ချုပ်ရေးမှူးများမှတဆင့် တာချီလိတ်မြို့နယ်တွင်း ရပ်ကွက် (၉) ရပ်ကွက်နှင့် ကျေးရွာ (၃)ရွာအား စာရင်းကောက်ယူကာ အချက်အလက်များစိစစ်ပြီးနောက် လာမည့်နိုဝင်ဘာလ ဒုတိယပတ်အတွင်း၌ Wave Money မှတဆင့် ပေးအပ်သွားမည်ဖြစ်ကြောင်း သိရသည်။
လက်ရှိတွင် ရပ်ကွက်အလိုက် စာရင်းများကောက်ယူနေပြီး သက်ဆိုင်ရာရပ်ကျေးအုပ်ချုပ်ရေးမှူးရုံးသို့ စာရင်းပေးသွင်းနိုင်ပြီဖြစ်ကြောင်း သိရသည်။
“ထောက်ပံ့ငွေကို ပေးအပ်တဲ့အခါ ကျွန်တော်တို့ သတ်မှတ်ဖော်ပြချက်တွေရှိတယ်။ ဥပမာ ရေဘေးကြောင့် အိမ်ပြိုသွားလား။ မိသားစုများလား။ အိမ်ထောင်စုကို အမျိုးသမီး ဦးဆောင်တာလားစတဲ့ ဒီလိုအခြေခံတွေကြည့်ပြီး ရပ်ကျေး စာရေးတွေရယ်၊ ကျွန်တော်တို့ အဖွဲ့ရဲ့ ဗော်လန်တီယာတွေက ဒီနေ့ကစပြီး ဖုန်းနံပါတ်တွေ အပါအဝင် စာရင်းကောက်နေပါတယ်။ ဒေတာတွေ ပြန်စီစစ်ပြီးရင် wave money က နေ လွှဲပေးပါ့မယ်”ဟု အဆိုပါ ပရိုဂရမ်မှ တာဝန်ရှိသူ ဦးတင်မြင့်ဝင်းက ပြောကြားထားသည်။
ပြီးခဲ့သော စက်တင်ဘာလအတွင်း မိုးသည်းထန်စွာ ရွာသွန်းမှုကြောင့် တာချီလိတ်မြို့နယ်၌ ရေကြီးရေလျှံမှု ဖြစ်ကာ နေအိမ်များပျက်စီးခြင်း၊ မြေပြိုခြင်း၊ မြေပြိုခြင်းကြောင့် လူ ေ-သဆုံးခြင်းများ ဖြစ်ပေါ်ခဲ့ရသည်။
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
