မန္တလေး – ဗန်းမော်လမ်းပိုင်းအတွက် ယာဉ်စီးခ ကျပ်သုံးသိန်းအထိဖြစ်လာကြောင်း အဆိုပါလမ်းကြောတွင် ပြေးဆွဲနေသည့် ယာဉ်မောင်းများထံမှ သိရသည်။
စစ်ကိုင်းတိုင်းနှင့် ကချင်ပြည်နယ်အစပ်ရှိ ဒေသတွင်းတိုက်ပွဲများကြောင့် မန္တလေး – ဗန်းမော်ကားလမ်းပိုင်းကို နှစ်ဖက်တပ်ဖွဲ့များက ဖြတ်သန်းသွားလာခွင့် ပိတ်ဆို့ထားခြင်းကြောင့် လမ်းပိုင်းအသုံးပြုသူများမှာ ရွှေဘို – မြစ်ကြီးနားလမ်းမကြီးပေါ်ရှိ အင်းတော်ကွင်းရှောင်လမ်းကိုသာ အသုံးပြုနေရပြီး ကားခများလည်း ပိုမိုမြင့်တက်လာခြင်းဖြစ်သည်။
“ဂိတ်ကြေးတွေလည်းပါတယ်၊ နှစ်ဖက်စလုံးကိုပေးနေရတာ၊ အဲဒီတော့ လူတစ်ယောက်ကို သုံးသိန်း၊ သုံးသိန်းခွဲဝန်းကျင်ယူကြတယ်” ဟု ထိုလမ်းပိုင်းတွင် မောင်းနှင်နေသည့် ယာဉ်မောင်းတစ်ဦးက ပြောသည်။
ထိုသို့သွားနေရသော်လည်း လမ်းပိုင်းလုံခြုံရေးအာမခံချက် မရှိဘဲ တိုက်ပွဲများဖြစ်ပွါးပါက ကားများရောက်သည့်နေရာတွင် ရပ်နားထားရပြီး မကြာခဏ လမ်းပိတ်ဆို့မှုများလည်းရှိနေကြောင်း ယာဉ်မောင်းများက ဆိုသည်။
ထို့ကြောင့် ပုပ်သိုးလွယ်သည့်ကုန်စိမ်းများကို သယ်ဆောင်ခြင်းမပြုကြဘဲ ကုန်ခြောက်ပစ္စည်းများကိုသာ လက်ခံ၍ ပို့ဆောင်ပေးနေရပြီး ကုန်စည်စီးဆင်းမှုတွင်လည်း ကုန်သည်ဈေးသည်များအတွက် အခက်အခဲဖြစ်နေကြောင်းလည်း သိရသည်။
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
