လီဗာပူးလ်အသင်းပိုင်ရှင်များသည် ချန်ပီယံလိဂ်ဖလား ဆွတ်ခူးရယူပေးခဲ့သည့် နည်းပြ ယာဂန်ကလော့ပ်ကို တစ်နှစ်လစာ ပေါင် ၁၀ အထိ တိုးမြှင့်ပေး၍ စာချုပ်သက် တမ်းတိုးရန် စီစဉ်နေကြောင်း သိရသည်။
ယာဂန်ကလော့ပ်သည် လီဗာပူးလ်နည်းပြဘဝ သုံးရာသီခွဲအတွင်း ဖလားဗိုလ်လုပွဲ လေးကြိမ်တက်ရောက်ခွင့်ရရန် စွမ်းဆောင်ပေးထားပြီး ချန်ပီယံလိဂ်ပြိုင်ပွဲ၌ ပထမဆုံးဆုဖလား ရယူပေးခဲ့ခြင်းဖြစ်သည်။
၎င်း၏စာချုပ်သက်တမ်းမှာ သုံးနှစ်ကျန်ရှိနေသေးပြီး ၂၀၂၂ ခုနှစ်မှ ကုန်ဆုံးမည်ဖြစ်သော်လည်း လီဗာပူးလ်အသင်းကိုပိုင်ဆိုင်သည့် Fenway Sports Group(FSG) က ကာလရှည်သက် တမ်းတိုးရန် စီစဉ်နေကြောင်း သိရသည်။
ထို့ပြင် ကလော့ပ်အနေဖြင့် လက်ရှိစာချုပ်အရ တစ်နှစ်လျှင် ပေါင်ခုနစ်သန်းရရှိနေပြီး စာချုပ်သစ်ချုပ်ဆိုပါက ပေါင် ၁၀ သန်းသို့ တိုးမြှင့်ပေးဖွယ်ရှိကြောင်း ဗြိတိန်မီဒီယာများက ဖော်ပြလျက်ရှိသည်။
'' ယာဂန်က အရမ်းတော်တဲ့ နည်းပြတစ်ယောက်ပါ။ ဒီထက်ပိုပြီးအရေးကြီးတာက သူဟာ မာနထောင်လွှားမှုမရှိဘဲ နှိမ့်ချစွာနေတတ်ပြီး တာဝန်ယူမှုရှိတဲ့သူပါ။ ဒီနေ့တော့ သူအရမ်းပျော်နေပါတယ်။ ဘာဖြစ်လို့လဲဆိုတော့ ချန်ပီယံလိဂ်ဖလားက အသင်းပရိသတ်တွေအတွက် ဘယ်လောက် အဓိပ္ပာယ်ရှိသလဲဆိုတာ သူသိလို့ပါပဲ''ဟု FSG ဥက္ကဋ္ဌ တွမ်ဝါနာက ပြောကြားသည်။
-
■ ထိုင်း- မြန်မာနယ်စပ်ရှိ မြန်မာဘက်ခြမ်း ဘုရားသုံးဆူမြို့သို့ သွားရောက်ကြမည့် လူဆိုးဂိုဏ်းဝင်ဟု ယူဆရသူ ၂၀ ဦးကို ထိုင်းရဲတပ်ဖွဲ့က ဖမ်းဆီး
-
မည်သည့်အောင်မြင်မှုမျှ မရသေးကြောင်း ဒါဝင်နူးနက်ဇ် သတိပေး
-
■ UEFA Nations League ပွဲကြိုသုံးသပ်ချက်
-
■ ၂၀၂၆ ကမ္ဘာ့ဖလား ခြေစစ်ပွဲ (အာရှဇုန်) ပွဲကြိုသုံးသပ်ချက်
-
■ ၂၀၂၆ ကမ္ဘာ့ဖလား ခြေစစ်ပွဲ (တောင်အမေရိကဇုန်) ပွဲကြိုသုံးသပ်ချက်
