Top News

နေပြည်တော်သပြေကုန်းအဝိုင်းအနီးတွင် ဆန္ဒပြနေသူများကို ၁၅ မိနစ်အတွင်း လူစုခွဲရန် ရဲတပ်ဖွဲ့ကြေညာနေ

24htopnews | October 31, 2024 11:13 AM CST

နေပြည်တော်သပြေကုန်းအဝိုင်းအနီးတွင် ဆန္ဒပြနေသူများကို ၁၅ မိနစ်အတွင်း လူစုခွဲရန် ရဲတပ်ဖွဲ့က ကြေညာနေကြောင်း သိရသည်။

ယနေ့(ဖေဖော်ဝါရီ ၈ ရက်) နံနက်ပိုင်းတွင် နေပြည်တော်၌် ဆန္ဒပြသူများသည် သပြေကုန်အဝိုင်းတွင် ဆန္ဒပြခဲ့ကြပြီး မွန်းလွဲပိုင်းတွင် လူစုခွဲခဲ့သည်။ ထို့နောက် မွန်းလွဲ ၃ နာရီခန့်တွင် သပြေကုန်းအဝိုင်းသို့ ပြန်လည်လာရောက် စုဝေးကြရာ ရဲတပ်ဖွဲ့က သပြေကုန်းအဝိုင်းတစ်ဝိုက်တွင် လုံခြုံရေးတင်းကြပ်စွာချ၍ တားမြစ်ထားသည်။

လက်ရှိအချိန်တွင် ဆန္ဒပြသူများသည် သပြေကုန်းအဝိုင်းသို့ သွားရောက်၍မရဘဲ အောင်သပြေရုပ်ရှင်ရုံ ရှေ့တွင် ရဲတပ်ဖွဲ့၏ အတားအဆီးများအနီးတွင် ဆက်လက်ဆန္ဒပြလျက်ရှိသည်။

ထို့သို့ဆန္ဒပြမှုများကို ၁၅ မိနစ်အတွင်း လုူစုခွဲရန် ရဲတပ်ဖွဲ့က ကြေညာနေခြင်းဖြစ်သည်။