Top News

အများပြည်သူ၏ သဘောဆန္ဒနှင့် မဆန့်ကျင်သော အစိုးရတစ်ရပ် အမြန်ဆုံး ပေါ်ပေါက်လာရေးအတွက် ငြိမ်းချမ်းသော နည်းလမ်း၊ ဓမ္မနှင့်လျော်ညီသော နည်းလမ်းများဖြင့် ဆောင်ရွက်ကြရန် သီတဂူကမ္ဘာ့ဗုဒ္ဓ      တက္ကသိုလ်ကြီးများက ဖေဖော်ဝါရီ ၈ ရက်တွင် သဘောထားကြေညာချက် ထုတ်ပြန်သည်။

သီတဂူသာသနာပြုအဖွဲ့ကြီးသည် တိုင်း နှင့်ပြည်နယ် နေရာဒေသအသီးသီးတွင် လူမျိုးဘာသာမရွေး တိုင်းသူ ပြည်သားအားလုံး တို့၏ ကျန်းမာရေး၊ ပညာရေးတို့ကို ရှေးရှုကာ လောကတ္ထစရိယလုပ်ငန်းများကို နှစ်ပေါင်း ၄၀ ကျော်တိုင်တိုင် ဆောင်ရွက်လုပ်ကိုင်နေသော သာသနာပြုအဖွဲ့အစည်းကြီးဖြစ်ကြောင်း သီတဂူကမ္ဘာ့ဗုဒ္ဓတက္ကသိုလ်ကြီးများ၏ သဘောထားကြေညာချက်တွင် ဖော်ပြထားသည်။

လက်ရှိဖြစ်ပေါ်နေသည့် နိုင်ငံရေးကိစ္စရပ်များမှာ ဓမ္မလမ်းကြောင်းမှ သွေဖည်၍ အဓမ္မလမ်းကြောင်း၌ လျှောက်လှမ်းနေသည်ဟု ထင်မြင်ယူဆသည့်အတွက် ရဟန်းရှင်လူ တိုင်းသူပြည်သားများ နှလုံးစိတ်ဝမ်း မချမ်း မမြေ့ ဖြစ်နေကြသည်ဟု သီတဂူကမ္ဘာ့ဗုဒ္ဓ တက္ကသိုလ်ကြီးများက သဘောထားကြေညာချက် ထုတ်ပြန်သည်။

တိုင်းသူပြည်သားများ နှလုံးစိတ်ဝမ်း မချမ်းမမြေ့ဖြစ်ကြရမည့် မည်သည့်ဆောင်ရွက်ချက်မျိုးကိုမဆို သီတဂူကမ္ဘာ့ဗုဒ္ဓတက္ကသိုလ်ကြီးများရှိ သံဃာတော်များကလည်း လက်ခံ သဘောတူမည်မဟုတ်ကြောင်း သီတဂူကမ္ဘာ့ဗုဒ္ဓတက္ကသိုလ်ကြီးများက သဘောထားကြေညာချက် ထုတ်ပြန်ချက်တွင် ပါရှိသည်။

ငြိမ်းချမ်းသာယာခြင်းကို ပြုတတ်၊ ပြော တတ်သောသူတို့ မပါရှိသော အဖွဲ့အစည်း သည် ဓမ္မနှင့်လျော်ညီသော အဖွဲ့အစည်း မဟုတ်ကြောင်း၊ ဓမ္မနှင့်လျော်ညီသော အမှုကို ပြုတတ်၊ ပြောတတ်သော ပုဂ္ဂိုလ်တို့ ပါဝင် သော အဖွဲ့အစည်းသည်သာလျှင် ငြိမ်းချမ်း သာယာခြင်းကို ဆောင်ရွက်နိုင်သော အဖွဲ့ အစည်းဖြစ်ကြောင်း သီတဂူကမ္ဘာ့ဗုဒ္ဓတက္က သိုလ်ကြီးများက သဘောထားကြေညာချက် ထုတ်ပြန်သည်။

ထို့ကြောင့် အများပြည်သူ သဘောဆန္ဒ နှင့် မဆန့်ကျင်သော အစိုးရတစ်ရပ် အမြန် ဆုံးပေါ်ပေါက်လာရေးအတွက် ငြိမ်းချမ်း သောနည်းလမ်း၊ ဓမ္မနှင့်လျော်ညီသော နည်း လမ်းများဖြင့် ဆောင်ရွက်ကြရန် သီတဂူ ကမ္ဘာ့ဗုဒ္ဓတက္ကသိုလ်ကြီးများရှိ သံဃာတော် အပေါင်းတို့က အလေးအနက် တိုက်တွန်း ကြောင်း အဆိုပါ သဘောထားကြေညာချက် တွင် ဖော်ပြခဲ့သည်။