အသက်အန္တရာယ် စိုးရိမ်ရသော အရေးပေါ်လူနာများမှလွဲ၍ လူနာသစ်များ လက်မခံတော့ကြောင်း စစ်ကိုင်းတိုင်းဒေသကြီး ခန္တီးမြို့ ခုတင် ၁၀၀ ဆံ့ ပြည်သူ့ဆေးရုံ ကျန်းမာရေးဝန်ထမ်းများက ဖေဖော်ဝါရီ ၈ ရက်တွင် သဘောထားကြေညာချက် ထုတ်ပြန်ခဲ့သည်။
အဆိုပါ ကြေညာချက်တွင် ယခုဆေးရုံတွင် ကျန်ရှိနေသော လူနာများအား ဆက်လက် ကုသပေးမည်။ နောက်ထပ် လူနာအသစ်များ လက်မခံတော့ပါ။ နီးစပ်ရာ တပ်မတော်ဆေးရုံကြီးများသို့သာ သွားရောက် ပြသပေးကြပါရန် လေးစားစွာ တောင်းပန်အပ်ပါသည်။ခန္တီးဆေးရုံမှ ကျန်းမာရေးဝန်ထမ်းများအားလုံး CDM ထောက်ခံသည့်အနေဖြင့် ဖေဖော်ဝါရီ ၈ ရက်မှစတင်၍ အာဏာရယူထားသည့်အစိုးရ လက်အောက်တွင် အလုပ်တာဝန်များ လုပ်ကိုင်ခြင်း မပြုတော့ပါ။ သို့သော် အသက်အန္တရာယ်ရှိသော အရေးပေါ်လူနာများအား ဆက်လက်၍ လက်ခံကုသပေးသွားမည်။ ပြည်သူ့ကျန်းမာရေးဦးစီးဌာနအောက်ရှိ ဝန်ထမ်းများသည် ပြည်သူ့ကျန်းမာရေး စောင့်ရှောက်ရေးလုပ်ငန်းများ၊ ကာကွယ်ဆေးထိုးခြင်းလုပ်ငန်း၊ စာရင်းဇယား လုပ်ဆောင်ခြင်း လုပ်ငန်းများကိုလည်း ရပ်နားထားမည် ဖြစ်သည်။ ခန္တီးမြို့နယ် ခုတင် ၁၀၀ ပြည်သူ့ဆေးရုံမှ ဆရာဝန်များသည် CDC နှင့် RRMM ကို ဆက်လက် ထောက်ခံရင်း အသက်အန္တရာယ်ရှိသော အရေးပေါ် လူနာများအား လက်ခံကုသပေးသွားမည်ဖြစ်၍ အရေးပေါ် အခြေအနေမှသာ ဆေးရုံသို့လာကြပါရန် တောင်းဆိုအပ်ပါသည်ဟု ထုတ်ပြန်ချက်တွင် ဖော်ပြထားသည်။
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
