ယင်းပွဲအပြီး PSG အသင်း ဒုတိယဆုလက်ခံရယူရန် ပွဲကြည့်စင်ပေါ်သို့တက်လာစဉ် ရန်းစ်အသင်း ပရိသတ်တစ်ဦးက ဖုန်းဖြင့်ဗီဒီယိုရိုက်ကူးရာ နေမာက ဖုန်းကိုဖယ်ရှားရာမှ အပြန်အလှန် အချင်းများခဲ့ပြီး နေမာက ၎င်း၏မျက်နှာကို တွန်းထိုးခဲ့ခြင်းဖြစ်သည်။
၂၀၁၈-၂၀၁၉ ရာသီ ပြင်သစ်ဖလားပြိုင်ပွဲအပြီးတွင် နေမာ၏ ကိုယ်ထိလက်ရောက်ကျူးလွန်မှုခံရခြင်းအတွက် ရန်းစ်အသင်းပရိသတ်က တရားစွဲဆိုထားကြောင်း ၎င်း၏ရှေ့နေဖြစ်သူက ပြင်သစ်နိုင်ငံထုတ် L'Equipe သတင်းစာသို့ အတည်ပြု ပြောကြားခဲ့သည်။
ဧပြီ ၂၇ ရက်က PSG အသင်း နှင့် ရန်းစ်အသင်းတို့ ယှဉ်ပြိုင်ကစားသည့် ပြင်သစ်ဖလားဗိုလ်လုပွဲတွင် ရန်းစ်အသင်းက ပယ်နယ်တီအဆုံး အဖြတ် (၆-၅) ဂိုးဖြင့် အနိုင်ရဗိုလ်စွဲခဲ့သည်။ ရန်းစ်အသင်းသည် PSG အသင်း၏ ဦးဆောင်ဂိုးနှစ်ဂိုးသွင်းယူမှုခံရသော်လည်း နောက်မှလိုက်၍ ချေပဂိုးများသွင်းယူခဲ့သလို ပယ်နယ်တီအဆုံးအဖြတ်တွင်လည်း အနိုင်ရပြီး မထင်မှတ်ဘဲ ချန်ပီယံဆုဆွတ်ခူး ရယူနိုင်ခဲ့ခြင်းဖြစ်သည်။
ယင်းပွဲအပြီး PSG အသင်း ဒုတိယဆုလက်ခံရယူရန် ပွဲကြည့်စင်ပေါ်သို့တက်လာစဉ် ရန်းစ်အသင်း ပရိသတ်တစ်ဦးက ဖုန်းဖြင့်ဗီဒီယိုရိုက်ကူးရာ နေမာက ဖုန်းကိုဖယ်ရှားရာမှ အပြန်အလှန် အချင်းများခဲ့ပြီး နေမာက ၎င်း၏မျက်နှာကို တွန်းထိုးခဲ့ခြင်းဖြစ်သည်။
ပြင်သစ်လိဂ် စည်းကမ်းထိန်းသိမ်းရေးကော်မတီက ယင်းဖြစ်ရပ်အတွက် နေမာကို သုံးပွဲပယ်ပြစ်ဒဏ် ချမှတ်ခဲ့ရာ ရန်းစ်အသင်းနှင့်မကျေပွဲ ပြန်ကစားရသည့် ပြင်သစ်စူပါဖလား ပြိုင်ပွဲကိုလည်းလွဲချော်ခဲ့သည်။ ဖိလစ် အိုဟာယွန်ဟုအမည်ရသည့် ရှေ့နေ ဖြစ်သူ၏ပြောကြားချက်အရ ယင်းဖြစ်ရပ်အတွက် နေမာ၏ကိုယ်စားလှယ်များနှင့် ညှိနှိုင်းဆွေးနွေးသော်လည်း ပြေလည်မှုမရသဖြင့် တရား စွဲဆိုထားခြင်းဖြစ်ကြောင်း သိရသည်။
ရှေ့နေဖြစ်သူက နေမာကိုတရားစွဲဆိုထားကြောင်း L'Equipe သတင်းစာသို့ပြောကြားသော်လည်း တရားလို၏အမည်ကိုမူ ထုတ်ဖော်ပြောကြားရန် ငြင်းဆန်ထားသည်။
-
မန္တလေးမြို့ မဟာမုနိရုပ်ရှင်တော်မြတ်ကြီး အား (၃၅) ကြိမ်မြောက် မသိုးမြတ်သင်္ကန်းတော် ရက်လုပ်ကပ်ပူဇော်
-
ရန်ကုန်ဗုဒ္ဓတက္ကသိုလ်တွင် Eleven Media Group မိသားစုက ခုနစ်ကြိမ်မြောက် ကထိန်အလှူတော် ပြုလုပ်
-
■ ဘွန်ဒစ်လီဂါကလပ် ဆန့်ပေါ်လီအသင်း လူမှုကွန်ရက် X မှ နုတ်ထွက်
-
■ မန်ယူတိုက်စစ်မှူးဟောင်း ဖော်လန် ဥရုဂွေးအိုးပင်း ပရိုတင်းနစ်ပြိုင်ပွဲ အဖွင့်ပွဲစဉ်တွင် ရှုံးပွဲကြုံတွေ့
-
■ ကူဒူစ်ကို အနည်းဆုံးပေါင်(၈၅)သန်းရမှ ဝက်စ်ဟမ်းအသင်း ရောင်းမည်
