အာဂျင်တီးနားဂန္ထဝင် မာရာဒိုနာက ဘိုကာဂျူနီယာအသင်းသို့ ဒီရော့ဆီ ပြောင်းရွှေ့လာသည့်အတွက် အလွန်ဝမ်းသာကြောင်း ပြောကြားခဲ့သည်။
အာဂျင်တီးနားဂန္ထဝင် မာရာဒိုနာက ဘိုကာဂျူနီယာအသင်းသို့ ဒီရော့ဆီ ပြောင်းရွှေ့လာသည့်အတွက် အလွန်ဝမ်းသာကြောင်း ပြောကြားခဲ့သည်။
အသက် (၃၆) နှစ်အရွယ်ရှိ အီတလီဝါရင့်ကွင်းလယ်လူ ဒီရော့ဆီသည် (၁၈) နှစ်ကြာလက်တွဲခဲ့သည့် ရိုးမားအသင်းနှင့် လမ်းခွဲပြီးနောက် ဘိုကာဂျူနီယာအသင်းသို့ ပြောင်းရွှေ့ကြေးအလွတ်ဖြင့် ရောက်ရှိလာသူဖြစ်သည်။
မာရာဒိုနာက "ဒီရော့ဆီလို ကစားသမားမျိုးက ဘိုကာဂျူနီယာအသင်းကို ရွေးချယ်ခဲ့တာဟာ ကျွန်တော့် အတွက်ရော၊ အာဂျင်တီးနားအတွက်ပါ အရမ်းကိုကောင်းပြီး ဘုရားသခင်ပေးတဲ့ လက်ဆောင်လို့တောင် ဆိုနိုင်ပါတယ်။ ဒီရော့ဆီက ရိုးမားအသင်းမှာ တစ်နှစ်လစာ ယူရို (၁၂) သန်းအထိ ရရှိခဲ့သူပါ။ တကယ်လို့ ကာတာကိုသာ သွားမယ်ဆိုရင် သူ့အနေနဲ့ တစ်နှစ်လစာ ယူရိုသန်း (၃၀) အထိ ရနိုင်ပါတယ်။ ဒါပေမဲ့ ဖိနပ်တစ်ရံအတွက် လူသတ်ဖို့ ဝန်မလေးတဲ့ အာဂျင်တီးနားကို သူလာခဲ့တယ်။ ဘိုကာဂျူနီယာအသင်းမှာ ဒီရော့ဆီ ခြေစွမ်းပြနိုင်ဖို့ ကျွန်တော် မျှော်လင့်ပါတယ်"ဟု ဆိုခဲ့သည်။
ဒီရော့ဆီသည် ရိုးမားအသင်းတွင် (၁၈)နှစ်တာ ကာလအတွင်း ပြိုင်ပွဲစုံ (၆၁၆) ပွဲတွင် (၆၃) ဂိုး သွင်းယူခဲ့ပြီး အသင်းနှင့် ကိုပါအီတလီယာဖလား (၂) ကြိမ်နှင့် စူပါကိုပါအီတလီယာဖလား (၁) လုံးရရှိခဲ့သည်။
-
မန္တလေးမြို့ မဟာမုနိရုပ်ရှင်တော်မြတ်ကြီး အား (၃၅) ကြိမ်မြောက် မသိုးမြတ်သင်္ကန်းတော် ရက်လုပ်ကပ်ပူဇော်
-
ရန်ကုန်ဗုဒ္ဓတက္ကသိုလ်တွင် Eleven Media Group မိသားစုက ခုနစ်ကြိမ်မြောက် ကထိန်အလှူတော် ပြုလုပ်
-
■ ဘွန်ဒစ်လီဂါကလပ် ဆန့်ပေါ်လီအသင်း လူမှုကွန်ရက် X မှ နုတ်ထွက်
-
■ မန်ယူတိုက်စစ်မှူးဟောင်း ဖော်လန် ဥရုဂွေးအိုးပင်း ပရိုတင်းနစ်ပြိုင်ပွဲ အဖွင့်ပွဲစဉ်တွင် ရှုံးပွဲကြုံတွေ့
-
■ ကူဒူစ်ကို အနည်းဆုံးပေါင်(၈၅)သန်းရမှ ဝက်စ်ဟမ်းအသင်း ရောင်းမည်
