ဟိုက်ကု၊အောက်တိုဘာ ၃၀
တိုက်ဖွန်းထရမ်မီ ကြောင့် တရုတ်နိုင်ငံတောင်ပိုင်း ဟိုင်နန်ကျွန်းပြည်နယ်တွင် လူခုနစ်ဦးေ-သဆုံးကာ တစ်ဦးပျောက်ဆုံးနေခဲ့ကြောင်း ပြည်နယ်၏အရေးပေါ်စီမံခန့်ခွဲမှုဌာနအာဏာပိုင်များကပြောကြားခဲ့သည်။
ယခုနှစ်အတွက် အကြိမ် ၂၀ မြောက်တိုက်ခတ်သည့် တိုက်ဖွန်းထရမ်မီကြောင့် အောက်တိုဘာလ ၂၈ ရက်နေ့မှ စတင်ကာ ဟိုင်နန်၏ နေရာအများအပြား၌ မိုးသည်းထန်စွာရွာသွန်းခဲ့ပြီး လူပေါင်း ၄၀,၀၀၀ ကျော် သည် ဘေးလွတ်ရာသို့ရွှေ့ပြောင်းခဲ့ရသည်ဟုသိရသည်။
ထရမ်မီကြောင့် ဟိုင်နန်၌ ရေကြီးနိုင်ခြေ ရှိသဖြင့် ရေအရင်းအမြစ်စီမံခန့်ခွဲမှုဝန်ကြီးဌာနက နံပါတ် ၄ အဆင့်ရှိ အရေးပေါ်သတိပေးချက်လည်းထုတ်ပြန်ထားခဲ့သည်ဟုသိရသည်။
တိုက်ဖွန်းထရမ်မီကြောင့် ဟိုင်နန်ဒေသအများစု၌ မိုးသည်းထန်စွာရွာသွန်းနိုင်ပြီး ရုတ်တရက်ရေကြီးနိုင်သဖြင့် ဝမ်ချွမ်မြစ်သည် သတိပေးချက်အဆင့်ထက်ကျော်လွန်၍ ရေလွှမ်းမိုးမှုများကြုံတွေ့လာရနိုင်သည်ဟုအာဏာပိုင်များက ပြောကြားခဲ့သည်။
ဝန်ကြီးဌာနအနေဖြင့် ရေကြီးရေလျှံမှု ကို တုန့်ပြန်ရေးအတွက် ရှေ့တန်းလုပ်ငန်းအဖွဲ့ကို စေလွှတ်ထားကာ အန္တရာယ်များသောဒေသများမှ လူအများကို ဘေးလွတ်ရာသို့ရွှေ့ပြောင်းရန် အဓိကထားလုပ်ဆောင်လျက်ရှိသည်ဟုလည်းပြောကြားခဲ့သည်။
Source : ရှင်းဟွာ
-
မန္တလေးမြို့ မဟာမုနိရုပ်ရှင်တော်မြတ်ကြီး အား (၃၅) ကြိမ်မြောက် မသိုးမြတ်သင်္ကန်းတော် ရက်လုပ်ကပ်ပူဇော်
-
ရန်ကုန်ဗုဒ္ဓတက္ကသိုလ်တွင် Eleven Media Group မိသားစုက ခုနစ်ကြိမ်မြောက် ကထိန်အလှူတော် ပြုလုပ်
-
■ ဘွန်ဒစ်လီဂါကလပ် ဆန့်ပေါ်လီအသင်း လူမှုကွန်ရက် X မှ နုတ်ထွက်
-
■ မန်ယူတိုက်စစ်မှူးဟောင်း ဖော်လန် ဥရုဂွေးအိုးပင်း ပရိုတင်းနစ်ပြိုင်ပွဲ အဖွင့်ပွဲစဉ်တွင် ရှုံးပွဲကြုံတွေ့
-
■ ကူဒူစ်ကို အနည်းဆုံးပေါင်(၈၅)သန်းရမှ ဝက်စ်ဟမ်းအသင်း ရောင်းမည်
