ကုလသမဂ္ဂ၊အောက်တိုဘာ ၃၀
မြန်မာနိုင်ငံဆိုင်ရာကုလအထူးသံတမန်က မြန်မာ့ပဋိပက္ခသည် နှစ်ဖက်သက်ဆိုင်သူများ၏ အနိုင်အရှုံးစိတ်ဓါတ်ကြောင့်ကြန့်ကြာနေရခြင်းဖြစ်ကြောင်း ဝေဖန်ပြောကြားခဲ့သည်။
အထူးသံမစ္စဂျူလီဘီးရှော့ပ်က နှစ်ဖက်သက်ဆိုင်သူများအနေဖြင့် အနိုင်အရှုံးကွဲပြားရမည်ဟူ၍မဟုတ်ပဲ အပြန်အလှန်အကြမ်းဖက်မှုများရပ်တန့်ပြီး ဆွေးနွေးညှိနှိုင်းခြင်းဖြင့် အမျိုးသားပြန်လည်သင့်မြတ်ရေးကို အကောင်အထည်ဖော်နိုင်မည်ဖြစ်ကြောင်းပြောကြားခဲ့သည်။
၎င်းသည် မြန်မာနိုင်ငံဆိုင်ရာ ကုလသမဂ္ဂအထူးသံတမန်အဖြစ်ဧပြီလကခန့်အပ်ခံရပြီးနောက် ပထမဆုံးသော ကုလ သမဂ္ဂ အထွေထွေညီလာခံ၌ ယခုကဲ့သို့ မှတ်ချက်ပြုပြောကြားခဲ့ခြင်းဖြစ်သည်။
“လက်ရှိမှာဆိုရင် နိုင်ငံတွင်းမှာဖြစ်ပျက်နေတဲ့ လက်နက်ကိုင်ပဋိပက္ခတွေကြောင့် ပြည်သူလူထုအတွက်လိုအပ်တဲ့အခက်အခဲပြဿနာတွေကို ထိထိရောက်ရောက်မဖြေရှင်းနိုင်ပဲ အနည်းငယ်ပဲ လုပ်ဆောင်နိုင်ပါတယ်” ဟုလည်း၎င်းကဆိုသည်။
မြန်မာ့အရေးသည် အမေ့လျော့ခံအခြေအနေဖြစ်လာနိုင်သည့်အန္တရာယ်ရှိနေပြီး ဒုက္ခပေါင်းများစွာကိုခံစားနေရသည့် မြန်မာပြည်သူများသည် ပိုမိုကောင်း မွန်သောဘဝနှင့်အခွင့်အရေးကို ရသင့်ပြီဟုလည်း၎င်းကပြောကြားခဲ့သည်။
Source : သည်ဘစ်နစ်တိုင်းမ်စ်
-
မန္တလေးမြို့ မဟာမုနိရုပ်ရှင်တော်မြတ်ကြီး အား (၃၅) ကြိမ်မြောက် မသိုးမြတ်သင်္ကန်းတော် ရက်လုပ်ကပ်ပူဇော်
-
ရန်ကုန်ဗုဒ္ဓတက္ကသိုလ်တွင် Eleven Media Group မိသားစုက ခုနစ်ကြိမ်မြောက် ကထိန်အလှူတော် ပြုလုပ်
-
■ ဘွန်ဒစ်လီဂါကလပ် ဆန့်ပေါ်လီအသင်း လူမှုကွန်ရက် X မှ နုတ်ထွက်
-
■ မန်ယူတိုက်စစ်မှူးဟောင်း ဖော်လန် ဥရုဂွေးအိုးပင်း ပရိုတင်းနစ်ပြိုင်ပွဲ အဖွင့်ပွဲစဉ်တွင် ရှုံးပွဲကြုံတွေ့
-
■ ကူဒူစ်ကို အနည်းဆုံးပေါင်(၈၅)သန်းရမှ ဝက်စ်ဟမ်းအသင်း ရောင်းမည်
