ရီးယဲလ်မက်ဒရစ်အသင်းက အသင်းတိုက်စစ်ကစားသမား ဗင်နီစီယပ်စ် Ballon d'Or ဆုမရှိခြင်းကို အနီးကပ်မှ သိရှိရခြင်းမှာ Ballon d'Or ဆုရွေးချယ်ရေးအဖွဲ့နှင့် ဥရောပဘောလုံးအဖွဲ့ချုပ် (UEFA) ၏ လေးစားမှုမရှိသည့် လုပ်ရပ်ဖြစ်ကြောင်း ပြစ်တင်ဝေဖန်ခဲ့သည်။
ယခုနှစ် Ballon d'Or ဆုကို ဘရာဇီးလ် လက်ရွေးစင်ကစားသမား ဗင်နီစီယပ်စ် ရရှိမည်ဟု တောက်လျှောက်ရေပန်းစားခဲ့ကာ ဆုချီးမြှင့်ပွဲအခမ်းအနားမကျင်းပမီ နာရီပိုင်းအလိုအထိ ဖြစ်ခဲ့သည်။
သို့သော် ပြင်သစ် အားကစားမီဒီယာ RMC Sport က ယခုနှစ် Ballon d'Or ဆုကို ရေပန်းစားနေသည့် ဗင်နီစီယပ်စ် ရရှိမည်မဟုတ်ဘဲ မန်စီးတီးနှင့် စပိန်လက်ရွေးစင်ကွင်းလယ်ကစားသမား ရိုဒရီသာ အကောင်းဆုံးဆုရှင် ဖြစ်လာမည်ဟု ရေးသားပြီးနောက် အားလုံး Shock ရစေခဲ့သည်။
ရီးယဲလ်မက်ဒရစ်အသင်းဥက္ကဋ္ဌ ပီရက်ဇ်ကလည်း အသင်းသားများနှင့်အတူ ပါရီသို့ ဆုချီးမြှင့်ပွဲတက်ရောက်ရန် စီစဉ်ထားမှုကို ချက်ချင်းရုပ်သိမ်းခဲ့သည်။ "ဆုရဲ့ စံနှုန်းတွေရဲ့ ဗင်နီစီယပ်စ် မကိုက်ညီဘူးဆိုရင် အားလုံးကိုက်ညီတဲ့ ကာဗာဟယ်လ်က Winner ဖြစ်သင့်ပါတယ်။ ဒီလုပ်ရပ်ဟာ Ballon d'Or နဲ့ UEFA က ရီးယဲလ်မက်ဒရစ် အသင်းအပေါ် လေးစားမှုမရှိတာ သိသာပါတယ်။ ဒါကြောင့် ရီးယဲလ်အသင်းကလည်း လေးစားမှုမရှိတဲ့နေရာကို မသွားရောက်ခဲ့တာပါ"ဟု ရီးယဲလ်အသင်းက AFP သတင်းဌာနနှင့် စပိန်မီဒီယာအချို့ကို ပြောကြားခဲ့သည်။
ရီးယဲလ်အသင်းသားများသည် ဆုချီးမြှင့်ပွဲ အခမ်းအနား မတက်ရောက်သော်လည်း အကောင်းဆုံး နည်းပြဆု၊ ကလပ်အသင်းဆု နှင့် တိုက်စစ်မှူးဆုစသည့် ဆုသုံးဆု ဆွတ်ခူးရရှိခဲ့သည်။
-
မန္တလေးမြို့ မဟာမုနိရုပ်ရှင်တော်မြတ်ကြီး အား (၃၅) ကြိမ်မြောက် မသိုးမြတ်သင်္ကန်းတော် ရက်လုပ်ကပ်ပူဇော်
-
ရန်ကုန်ဗုဒ္ဓတက္ကသိုလ်တွင် Eleven Media Group မိသားစုက ခုနစ်ကြိမ်မြောက် ကထိန်အလှူတော် ပြုလုပ်
-
■ ဘွန်ဒစ်လီဂါကလပ် ဆန့်ပေါ်လီအသင်း လူမှုကွန်ရက် X မှ နုတ်ထွက်
-
■ မန်ယူတိုက်စစ်မှူးဟောင်း ဖော်လန် ဥရုဂွေးအိုးပင်း ပရိုတင်းနစ်ပြိုင်ပွဲ အဖွင့်ပွဲစဉ်တွင် ရှုံးပွဲကြုံတွေ့
-
■ ကူဒူစ်ကို အနည်းဆုံးပေါင်(၈၅)သန်းရမှ ဝက်စ်ဟမ်းအသင်း ရောင်းမည်
