Top News

ပဲခူးတိုင်းဒေသကြီး မင်းလှမြို့နယ် ပြည် တွင်းအခွန်များဦးစီးဌာနမှ မြို့နယ်အခွန် ဦးစီးမှူးနှင့် ဒုတိယဦးစီးမှူးတို့သည်  ပေးသွင်း ရန်ငွေထက် ပိုမိုတောင်းခံခြင်း၊ အိမ်းငှားရငွေ အပေါ် အခွန်ဟုဆိုကာ တောင်းခံသည်ဟု တိုင်ကြားခံရပြီး ၎င်းင်းတို့နှစ်ဦးကို အဂတိလိုက် စားမှုတိုက်ဖျက်ရေးဥပဒေဖြင့် အမှုဖွင့်လှစ် ထားကြောင်း သိရသည်။

မင်းလှမြို့နေ နစ်နာသူက ၂၀၁၇-၂၀၁၈ ခုနှစ်အတွင်း မင်းလှမြို့၌ တိုက်အိမ် ဆောက်လုပ်မှုနှင့်ပတ်သက်၍ ပြည်တွင်း အခွန်ဦးစီးဌာနသို့ အခွန်စည်းကြပ်ငွေ အချိန်မီပေးသွင်းခဲ့သော်လည်း ပေးသွင်းရန် ငွေထက် ပိုမိုတောင်းခံခြင်းနှင့် အိမ်ငှားရမ်း ရာတွင်လည်း အိမ်ငှားရငွေအပေါ် အခွန်ဟု ဆိုကာ ခြိမ်းခြောက်ငွေတောင်းခံနေခြင်းတို့ ပြုလုပ်နေသည့် မြို့နယ်ဦးစီးဌာနမှူး ဒုတိယ ဦးစီးမှူး ဦးခင်မောင်သန်း၊  ဒုတိယဦးစီးမှူး ဒေါ်အေးအေးခိုင်တို့ကို အရေးယူပေးရန် ကော်မရှင်သို့ တိုင်ကြားခဲ့ကြောင်း သိရသည်။ 

တိုင်ကြားစာအရ အဂတိလိုက်စားမှု တိုက်ဖျက်ရေးကော်မရှင်က စုံစမ်းစစ်ဆေး ရေးအဖွဲ့ဖြင့် စစ်ဆေးခဲ့ပြီး မင်းလှမြို့နယ် ပြည်တွင်းအခွန်များဦးစီးဌာနမှ မြို့နယ်ဦး စီးဌာနမှူးတာဝန် ဒုတိယဦးစီးမှူး ဦးခင် မောင်သန်းနှင့် ဒုတိယဦးစီးမှူး ဒေါ်အေး အေးခိုင်တို့သည် မင်းလှမြို့ အမှတ်(၇) ရပ် ကွက် တောင်ဘက်မြို့သစ်(၂)လမ်း နေအိမ် နှင့်ပတ်သက်၍ အိမ်ပိုင်ရှင်ထံမှ လူကြီးများ ကို ဂါရဝပြုရန်နှင့် ခရီးစရိတ်အဖြစ် ငွေကျပ် ၁၀ သိန်းကိုလည်းကောင်း၊ မင်းလှမြို့နယ် ကာလတန်ဖိုး စိစစ်သတ်မှတ်ရေးအဖွဲ့ ငါး ဖွဲ့သို့ သွားရောက်လက်မှတ်ရေးထိုးခအဖြစ် ကျပ် ၂၃၀၀၀၀ ကိုလည်းကောင်း၊ တောင် ဘက် မြို့သစ် (၁၃)လမ်း နေအိမ်နှင့် စပ် လျဉ်း၍ စည်းကြပ်ဝင်ငွေခွန်အဖြစ် ကျပ် ၁၇ သိန်း တောင်းခံရယူခဲ့ကြောင်း သိရသည်။ 

သို့သော် မြန်မာ့စီးပွားရေးဘဏ်ပြေစာအရ စည်းကြပ်ဝင်ငွေခွန် စုစုပေါင်း ပေးသွင်း ငွေမှာ ၁၂၃၈၈၀၀ ဖြစ်သဖြင့် ကျန်သည့် ပိုငွေ ၄၆၁၂၀၀ ကိုလည်းကောင်း လက်ခံရ ယူခဲ့ခြင်းသည် ၎င်းင်းတို့၏ရာထူးတာဝန်ကို အလွဲသုံးစားပြု၍ အဂတိလိုက်စားမှု ကျူး လွန်ခဲ့ခြင်းဖြစ်ကြောင်း သိရသည်။