ဂျာမနီအသင်းကွင်းလယ်လူ တိုနီကရို့စ်က ပြီးခဲ့သည့် (၂) နှစ်အတွင်း တိုးတက်လာသည့် နယ်သာလန်အသင်းအနေဖြင့် အသင်းတိုင်းကို ဒုက္ခပေးနိုင်စွမ်းရှိကြောင်း အသင်းဖော်များကို တိုက်တွန်းပြောကြားခဲ့သည်။
ဂျာမနီအသင်းကွင်းလယ်လူ တိုနီကရို့စ်က ပြီးခဲ့သည့် (၂) နှစ်အတွင်း တိုးတက်လာသည့် နယ်သာလန်အသင်းအနေဖြင့် အသင်းတိုင်းကို ဒုက္ခပေးနိုင်စွမ်းရှိကြောင်း အသင်းဖော်များကို တိုက်တွန်းပြောကြားခဲ့သည်။
ဂျာမနီအသင်းသည် ယနေ့ညတွင် ယူရို-၂၀၂၀ ခြေစစ်ပွဲအဖြစ် နယ်သာလန်အသင်းကို အိမ်ကွင်း၌ လက်ခံကစားရမည် ဖြစ်သည်။
ဂျာမနီအသင်းသည် ပြီးခဲ့သည့် မတ်လက ကစားခဲ့သည့် ပထမအကျော့ပွဲစဉ်တွင် နယ်သာလန်အသင်းကို (၃-၂) ဂိုးဖြင့် အနိုင်ရခဲ့သော်လည်း ယခုပွဲစဉ်မှာ ခက်ခဲမည်ဟု ကရို့စ်က ပြောကြားခဲ့သည်။
ကရို့စ်က "ပြီးခဲ့တဲ့ (၂) နှစ်အတွင်းမှာ နယ်သာလန်အသင်း အများကြီးတိုးတက်လာခဲ့ပါတယ်။ နယ်သာလန်နဲ့ တွေ့ဆုံတိုင်း ပွဲကြီးပွဲကောင်းတွေ ဖြစ်လေ့ရှိပြီး အခု ကစားမယ့်ပွဲစဉ်ကလည်း ခက်ခဲမယ်လို့ ထင်ပါတယ်။ ကျွန်တော်တို့အသင်းကတော့
အပြောင်းအလဲများစွာနဲ့ ရင်ဆိုင်ရခဲ့ပြီး အခုထက်ထိ အကောင်းဆုံးပုံစံကို မရသေးပါဘူး။ နယ်သာလန်က အသင်းတိုင်းကို ဒုက္ခပေးနိုင်စွမ်းရှိတဲ့ အသင်းဖြစ်ပြီး ကျွန်တော်တို့က သူတို့ကို တားဆီးရမှာပါ"ဟု ပွဲကြိုသတင်းစာရှင်းလင်းပွဲတွင် ပြောကြားခဲ့သည်။
ဂျာမနီနှင့် နယ်သာလန်တို့၏ ယူရို-၂၀၂၀ ခြေစစ်ပွဲစဉ်ကို ယနေ့ည (မြန်မာစံတော်ချိန် စနေနံနက် ၁:၁၅ နာရီ)တွင် ကစားမည် ဖြစ်သည်။
လက်ရှိ အုပ်စု (C) အမှတ်ပေးဇယားရပ်တည်မှုတွင် မြောက်အိုင်ယာလန်အသင်းက (၄)ပွဲကစား၊ (၄)ပွဲနိုင်၊ ရမှတ် (၁၂)မှတ်ဖြင့် ထိပ်ဆုံးမှ ဦးဆောင်နေပြီး ဂျာမနီအသင်းက (၃)ပွဲကစား (၃)ပွဲနိုင် ရမှတ် (၉)မှတ်ဖြင့် ဒုတိယနှင့် နယ်သာလန်အသင်းက (၂)ပွဲကစား၊ (၁)ပွဲနိုင်၊ (၁)ပွဲရှုံး ရမှတ် (၃)မှတ်ဖြင့် တတိယနေရာ၌ ရပ်တည်နေသည်။
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
