ပေကျင်း၊အောက်တိုဘာ ၂၉
တရုတ်ပြည်သူ့သမ္မတနိုင်ငံသမ္မတရှီသည် ကမ္ဘောဒီးယားဘုရင် နိုရိုဒွန်စီဟာမနီ၏ နန်းသက် နှစ် ၂၀ ပြည့်နှစ်ပတ်လည်ကို ချီးကျုးဂုဏ်ပြုသည့် သဝဏ်လွှာပေးပို့ခဲ့ကြောင်းသိရသည်။
စီဟာမနီသည် လွန်ခဲ့သည့် အနှစ် ၂၀၊၎င်းနန်းတက်ချိန်မှစ၍ ကမ္ဘောဒီးယားနိုင်ငံ၏ ငြိမ်းချမ်းရေး၊တည်ငြိမ်ရေး၊ဖွံ့ဖြိုးတိုးတက်ရေး၊ပြန်လည် ဆန်းသစ်ရေးနှင့် နိုင်ငံတကာပူးပေါင်းဆောင်ရွက်မှုများကို စွမ်းစွမ်းတမံလုပ်ဆောင်ခဲ့ပြီး တရုတ် – ကမ္ဘောဒီးယားနှစ်နိုင်ငံအကြား အစဉ်အလာချစ်ကြည်ရေးကို ခိုင်မြဲစေရန်သန္နိဋ္ဌာန်ချမှတ်ထားသူဖြစ်သည်ဟုလည်း သမ္မတရှီကရေးသားထားသည်။
နှစ်နိုင်ငံခေါင်းဆောင်များ၏ ပူးပေါင်းလမ်းညွှန်မှုဖြင့် တရုတ် – ကမ္ဘောဒီးယားနှစ်နိုင်ငံအသိုက်အဝန်းသည် အရည်အသွေးမြင့်၊အဆင့်မြင့်မားပြီး စံချိန်စံညွှန်းမြင့်မားသည့် ခေတ်သစ်တစ်ခုသို့ရောက်ရှိနေပြီဟုလည်း၎င်းကဆိုခဲ့သည်။
“စိန်ဆဋ္ဌဂံ” ပူးပေါင်းဆောင်ရွက်မှုမူဘောင်သည်လည်း နှစ်နိုင်ငံဆက်ဆံရေးအတွက် ခိုင်မာသောတိုးတက်မှုဖြစ်ခဲ့ပြီး စက်မှုဖွံ့ဖြိုးတိုးတက်ရေးနှင့်”ငါးနှင့်စပါးစင်္ကြန်” ဟုခေါ်သော နှစ်နိုင်ငံစိုက်ပျိုးရေးပူးပေါင်းဆောင်ရွက်မှုများကလည်း အပြုသဘောဆောင်သော ဦးတည်ချက်များဖြစ်လာခဲ့သည်ဟုဆိုသည်။
တရုတ်-ကမ္ဘောဒီးယား ပြည်သူအချင်းချင်းသည်လည်း ရင်းနှီးချစ်ကြည်မှုရကာ နှစ်နိုင်ငံပူးပေါင်းမှုများက နှစ်ဖက်ပြည်သူများအတွက် မြင်သာထင်သာသော အကျိုးကျေးဇူးများကို ဆောင်ကြဉ်းပေးနိုင်ခဲ့ကြောင်းလည်း ရှီကပြောကြားခဲ့သည်။
Source : ရှင်းဟွာ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
-
ဖိလစ်ပိုင်မြောက်ပိုင်းတွင် တိုင်ဖွန်းအူဆာဂီ ဝင်ရောက်တိုက်ခတ်မှုကြောင့် လူပေါင်းထောင်နှင့်ချီ ဘေးလွတ်ရာရွှေ့ပြောင်း
-
ဆော်လမွန်ကျွန်းနိုင်ငံအနီးတွင် ကမ္ဘာ့အကြီးဆုံး သန္တာကျောက်တန်း တွေ့ရှိ
-
■ UEFA Nations League ပွဲကြိုသုံးသပ်ချက်
