လွန်ခဲ့သည့် တစ်လကျော်က ဘေရွတ်တောင်ပိုင်း ဆင်ခြေဖုံးအရပ်တွင် အစ္စရေး၏ လေကြောင်းတိုက်ခိုက်မှုတွင် ေ-သဆုံးခဲ့သော အဖွဲ့ အတွင်းရေးမှူးချုပ် ဟက်ဆန် နက်စ်ရယ်လာ၏ နေရာအတွက် ဒုတိယ အတွင်းရေးမှူးချုပ် Naim Qassem ကို ရွေးချယ်လိုက်သည်ဟု လက်ဘနွန် လက်နက်ကိုင်အဖွဲ့ ဟစ်ဇ်ဘိုလာက အောက်တိုဘာ ၂၉ ရက်တွင် ထုတ်ဖေါ်ပြောကြားလိုက်သည်။
အဖွဲ့၏ Shura ကောင်စီသည် အတွင်းရေးမှူးချုပ် ရွေးချယ်ခြင်းဆိုင်ရာ အဖွဲ့၏ လုပ်ထုံးလုပ်နည်းနှင့်အညီ Qassem (၇၁ နှစ်) ကို ရွေးချယ်တင်မြှောက်ခဲ့သည်ဟု ထုတ်ပြန်ချက်တွင် ပြောဆိုခဲ့သည်။
Qassem ကို အတွင်းရေးမှူးချုပ် အဘတ်စ် အယ်လ် မူဆာဝီက ၁၉၉၁ ခုနှစ်တွင် အဖွဲ့၏ ဒုတိယခေါင်းဆောင်အဖြစ် ခန့်အပ်ခဲ့သည်။ အယ်မူဆာဝီသည် ၁၉၉၂ ခုနှစ်တွင် အစ္စရေး၏ ရဟတ်ယာဉ်ဖြင့် တိုက်ခိုက်မှုအတွင်း ေ-သဆုံးခဲ့ခြင်းဖြစ်သည်။
နက်စ်ရယ်လာ ခေါင်းဆောင်ဖြစ်လာချိန်တွင်လည်း ဒုတိယခေါင်းဆောင်နေရာတွင် ဆက်ရှိနေခဲ့သည့် Qassem သည် ဟားမတ်စ်၏ ကာလကြာရှည် ပြောရေးဆိုခွင့်ရသူများထဲတွင် ပါဝင်ခဲ့ပြီး ပြီးခဲ့သည့်နှစ်က အစ္စရေးနှင့် နယ်စပ်ဖြတ်ကျော် ရန်စောင်မှုများ ပြင်းထန်လာသောကိစ္စအပါအဝင် ပြည်ပမီဒီယာများနှင့် အင်တာဗျူးများ ဖြေကြားခဲ့သည်။
နက်စ်ရာလာသည် စက်တင်ဘာ ၂၇ ရက်တွင် သ–တ်ဖြ–တ်ခံခဲ့ရပြီး ၎င်း၏ နေရာကိုဆက်ခံရန် အလားအလာအရှိဆုံးသူဖြစ်သည့် ဟစ်ဇ်ဘိုလာ အကြီးတန်းခေါင်းဆောင်တစ်ဦးဖြစ်သူ Hashem Safieddine သည်လည်း ပြီးခဲ့သည့် သီတင်းပတ်ကပင် အစ္စရေး၏ တိုက်ခိုက်မှုအတွင်း ေ-သဆုံးခဲ့သည်။
Ref: အယ်လ်အာရေဗျနူးစ်
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
-
ဖိလစ်ပိုင်မြောက်ပိုင်းတွင် တိုင်ဖွန်းအူဆာဂီ ဝင်ရောက်တိုက်ခတ်မှုကြောင့် လူပေါင်းထောင်နှင့်ချီ ဘေးလွတ်ရာရွှေ့ပြောင်း
-
ဆော်လမွန်ကျွန်းနိုင်ငံအနီးတွင် ကမ္ဘာ့အကြီးဆုံး သန္တာကျောက်တန်း တွေ့ရှိ
-
■ UEFA Nations League ပွဲကြိုသုံးသပ်ချက်
