အလှူရှင် နည်ပါးလာမှုကြောင့် လာမည့် နိုဝင်ဘာ(၁)ရက်မှစ၍ ရှမ်း/မြောက်နောင်ပိန်စစ်ရှောင်များ စားသောက်ရေးအတွက် မိမိအစီအစဉ်ဖြင့် ရပ်တည်သွားရမည်ဟု ကမ်းလင့်လက်များလူမှုကူညီရေးအသင်း (နောင်ပိန်)က ယမန်နေ့တွင် အသိပေးထားသည်။
လက်ရှိ နောင်ပိန် စစ်ရှောင်စခန်းတွင် ဒေသတွင်း စစ်ရှောင်ပြည်သူ (၃၄)ဦးသာကျန်ရှိတော့ပြီဖြစ်ကြောင်းနှင့် ၎င်းတို့၏စားသောက်ရေးကို ယခုလ အောက်တိုဘာ (၃၁)ရက်အထိသာ နောက်ဆုံးထား ကျွေးမွေးသွားမည်ဖြစ်ကြောင်း ဆိုသည်။
ရှမ်း/မြောက် တစ်ကျော့ပြန်တိုက်ပွဲများ ဖြစ်ပွားချိန်မှစ၍ လားရှိုး၊ သီပေါ၊ ကျောက်မဲ၊ နောင်ချိုတို့ရှိ ဒေသတွင်းစစ်ရှောင်ပြည်သူများကို ယခု အောက်တိုဘာလကုန်အထိ ၄ လကြာ စားသောက်ရေးအတွက် ကျပ်သိန်း (၈၀၀) ကျော် လှူဒါန်းပေးနိုင်ခဲ့ပြီဖြစ်ကြောင်း အသင်း၏ အသိပေးချက်တွင် ဖော်ပြထားသည်။
အသင်းအတွက် အလှူရှင်ပေါ်ပေါက်လာပါက လိုအပ်သည့် ဆန်၊ ဆီ၊ ဆား၊ စက်သုံးဆီများကိုသာ ဝယ်ယူအားဖြည့်ပေးသွားတော့မည်ဖြစ်သည်ဟု ၎င်းတို့၏ အသိပေးချက်တွင်ပါရှိသည်။
ယခင်က ဒေသတွင်းစစ်ရှောင်များမှာ နောင်ပိန်ကျေးရွာရှိ လူမှုကူညီရေးအသင်းရုံးအပါအဝင် ဘုန်းကြီးကျောင်းနှင့် ဓမ္မာရုံများတွင် ခိုလှုံနေကြရပြီး၊ စစ်ရှောင်ဦးရေ (၄၈၀) ကျော်အထိ ခိုလှုံခဲ့ကြရကြောင်း သိရသည်။
-
နယူးဒေလီမြို့တော်တွင် မီးခိုးမြူများ ဖုံးလွှမ်းမှုကြောင့် မူလတန်းကျောင်းအားလုံး ပိတ်ထားခဲ့ရ
-
ဖိလစ်ပိုင်တွင် စူပါတိုင်ဖွန်းမန်-ယီ တိုက်ခတ်မှုကြောင့် သစ်ပင်များနှင့် ဓာတ်တိုင်များ လဲကျ
-
eSports လောကသို့ဝင်ရောက်ရန် ဆွေးနွေးမည်ဟု ဘိုင်ယန်မြူးနစ်အသင်း ဘုတ်အဖွဲ့ဥက္ကဋ္ဌ ရူမင်နစ်ဂီ ပြောကြား
-
အာဖဂန်နစ္စတန်မှ ဆုတ်ခွာခဲ့ပြီးနောက် အမေရိကန်သည် စူပါပါ၀ါနိုင်ငံ မဟုတ်တော့ဟု ဗြိတိန် ကာကွယ်ရေးဝန်ကြီးက ပြောကြား
-
မြန်မာနိုင်ငံသို့ သွားရောက်နိုင်ရေး အာဆီယံအထူးကိုယ်စားလှယ်အနေဖြင့် ကြိုးပမ်းနေဆဲဟု မလေးရှား နိုင်ငံခြားရေးဝန်ကြီး ပြောကြား
