ပြည်တွင်းစက်သုံးဆီစျေး ဆက်တိုက်ကျဆင်းနေပြီး ဒီဇယ်တစ်လီတာ ကျပ် ၂၀၀ ကျော်နှင့် ဓာတ်ဆီ တစ်လီတာ ကျပ် ငါးဆယ်ကျော် ထပ်မံကျဆင်းလာကြောင်း စက်သုံးဆီအရောင်းဆိုင်များထံမှ သိရသည်။
စက်တင်ဘာ ၁၆ ရက်တွင် စက်သုံးဆီစျေးနှုန်းများအရ 92 တစ်လီတာ ၂၃၆၅ ကျပ်၊ 95 တစ်လီတာ ၂၄၅၅ ကျပ်၊ ရိုးရိုးဒီဇယ်တစ်လီတာ ၂၆၁၅ ကျပ်၊ ပရီမီယံဒီဇယ်တစ်လီတာ၂၇၀၀ ကျပ်ဖြစ်ကြောင်း သိရသည်။
စက်တင်ဘာ ၁၅ ရက်တွင် ထုတ်ပြန်သည့်စျေးနှုန်းအရ ရန်ကုန်တိုင်းတွင် ၉၂ တစ်လီတာ ၂၄၂၀ ကျပ်၊ ၉၅ တစ်လီတာ ၂၅၁၅ ကျပ်၊ ရိုးရိုးဒီဇယ်တစ်လီတာ ၂၈၃၀ ကျပ်၊ ပရီမီယံဒီဇယ်တစ်လီတာ ၂၉၁၅ ကျပ် ဖြစ်သည်။
ယင်းကြောင့် 92 တစ်လီတာ ၅၅ကျပ်၊ 95 တစ်လီတာ ၆၀၊ ရိုးရိုးဒီဇယ်နှင့် ပရီမီယံဒီဇယ်တစ်လီတာ ၂၁၅ ကျပ်စီ ဈေးထပ်မံကျဆင်းသွားခြင်းဖြစ်သည်။
စက်တင်ဘာ ၁၄ ရက်တွင် ထုတ်ပြန်သည့်စျေးနှုန်းအရ ရန်ကုန်တိုင်းတွင် ၉၂ တစ်လီတာ ၂၄၈၅ ကျပ်၊ ၉၅ တစ်လီတာ ၂၅၇၅ ကျပ်၊ ရိုးရိုးဒီဇယ်တစ်လီတာ ၃၀၆၅ ကျပ်၊ ပရီမီယံဒီဇယ်တစ်လီတာ ၃၁၅၀ ကျပ် ဖြစ် သည်။
မြန်မာနိုင်ငံတော်ဗဟိုဘဏ်က စက်သုံးဆီစျေး ကြီးမြင့်မှုကြောင့် အခြေခံကုန်စည်များ စျေးကြီးမြင့်မှုကို သက်သာရန် နိုင်ငံခြားငွေ ကြီးကြပ်မှုကော်မတီ၏ ခွင့်ပြုချက်ဖြင့် နိုင်ငံခြားငွေကြေးစျေးကွက်မှတစ်ဆင့် ဒေါ်လာသန်း ၂၀၀ ထောက်ပံ့မည့် သတင်းများ ထွက်ပေါ်လာပြီးနောက် စက်သုံးဆီစျေးများ နှစ်ရက်ဆက်တိုက် ကျဆင်းလာခဲ့သော်လည်း စင်ကာပူဆီစျေးနှုန်းမြင့်တက်လာသဖြင့် စက်တင်ဘာ ၂ ရက်တွင် ပြည်တွင်း စက်သုံးဆီစျေးများ မြင့်တက်ခဲ့သည်။
သြဂုတ် ၇ ရက်တွင် အနိမ့်ဆုံးစျေးနှုန်းဟု ဆိုနိုင်သည့် စက်သုံးဆီစျေးနှုန်းများမှာ ၉၂ တစ်လီတာ ၁၆၁၅ ကျပ်၊ ၉၅ တစ်လီတာ ၁၆၆၅ ကျပ်၊ ပရီမီယံဒီဇယ်တစ်လီတာ ၂၀၂၅ ကျပ်၊ ရိုးရိုးဒီဇယ် တစ်လီတာ ကျပ် ၁၉၇၀ ဖြစ်သည်။
စက်သုံးဆီစျေးနှုန်းများမှာ ဗဟိုဘဏ်က ငွေလဲနှုန်း တစ်ဒေါ်လာလျှင် ကျပ် ၂၁၀၀ သို့ တိုးမြှင့်သတ်မှတ်လိုက်ပြီးနောက် စျေးနှုန်းများ မြင့်တက်လာခြင်းဖြစ်သည်။
စက်သုံးဆီကို သီရိလင်္ကာနိုင်ငံကြားခံ၍ တရုတ်နိုင်ငံမှ တင်သွင်းခြင်းမဟုတ်ဘဲ စင်ကာပူနိုင်ငံ၊ မလေးရှားနိုင်ငံနှင့် ကိုရီးယားနိုင်ငံတို့မှ အဓိကတင်သွင်းနေခြင်းဖြစ်သည်။ ပြည်တွင်းသုံးစွဲမှုအတွက် ပြည်ပမှ ရာခိုင်နှုန်း ၉၀ ခန့်တင်သွင်းနေရပြီး ၁၀ ရာခိုင်နှုန်းခန့်သာ ပြည်တွင်းမှထုတ်လုပ်နိုင်ကြောင်း သိရသည်။
-
ပြင်သစ်ထိပ်သီးကလပ် လိုင်ယွန်အသင်း ဘဏ္ဍာရေးပြဿနာကြောင့် ရာသီကုန်တွင် လီဂူး-၂ သို့ တန်းဆင်းရန် ပြစ်ဒဏ်ချမှတ်ခံရ
-
ပေါ့ဘာနှင့် ဂျူဗင်တပ်စ်အသင်း နိုဝင်ဘာလကုန်တွင် စာချုပ်ဖျက်သိမ်းရန် သဘောတူညီမှုရရှိ
-
မျှော်လင့်ခြင်းများစွာဖြင့်
-
Nations League နဲ့ မျှော်လင့်ခြင်းများဆီသို့
-
အလန်ရှီးယား ရွေးချယ်သည့် ပရီးမီးယားလိဂ်အကောင်းဆုံးအသင်းတွင် လီဗာပူးလ်ကစားသမား (၄)ဦးပါဝင်ပြီး မန်စီးတီးနှင့် အာဆင်နယ်မှ ပါဝင်ခြင်းမရှိ
