အာရပ်စော်ဘွားများပြည်ထောင်စု(ယူအေအီး) နှင့် ဗီယက်နမ်တို့သည် ဘက်စုံစီးပွားရေး မိတ်ဖက်ဆက်ဆံမှုဆိုင်ရာ သဘောတူညီချက်(CEPA) ကို လက်မှတ်ရေးထိုးခဲ့ကြပြီး ဗီယက်နမ်အနေဖြင့် အရှေ့အလယ်ပိုင်းနိုင်ငံတစ်နိုင်ငံနှင့် ပထမဆုံး လွတ်လပ်စွာ ကုန်သွယ်မှုကို ထူထောင်နိုင်ခဲ့ခြင်းဖြစ်သည်ဟု ဗီယက်နမ် ကူးသန်းရောင်းဝယ်ရေးဝန်ကြီးဌာနက အင်္ဂါနေ့တွင် သတင်းထုတ်ပြန်သည်။
တစ်နှစ်ကြာ ညှိနှိုင်းဆွေးနွေးမှုများလုပ်ခဲ့အပြီးတွင် တနင်္လာနေ့၌ ဒူဘိုင်းတွင် ဗီယက်နမ် ဝန်ကြီးချုပ် Pham Minh Chinh က လက်မှတ်ရေးထိုးခဲ့သည်ဟု ဝန်ကြီးဌာနက ထုတ်ပြန်ချက်တွင် ပြောဆိုခဲ့သည်။
သဘောတူညီချက်အရ အရှေ့အလယ်ပိုင်းနှင့် ကုန်သွယ်မှု တိုးမြှင့်ရန်ကြိုးပမ်းနေသော နိုင်ငံအနေ့ဖြင့် စိုက်ပျိုးရေး၊ စွမ်းအင်၊ နည်းပညာနှင့် ထောက်ပံ့ပို့ဆောင်ရေး ကဏ္ဍများတွင် ပို့ကုန်လုပ်ငန်းရှင်များနှင့် ရင်းနှီးမြှုပ်နှံသူများကို လမ်းပွင့်စေလိမ့်မည်ဟု ဆိုခဲ့သည်။
CEPA အရ ယူအေအီးသည် ဗီယက်နမ်ပို့ကုန်များ၏ ၉၉ ရာခိုင်နှုန်းအပေါ် စည်းကြပ်ခွန် ဖြတ်တောက်ရမည်ဖြစ်ကာ ဗီယက်နမ်က ယူအေအီးပို့ကုန်များ၏ ၉၈ ဒဿမ ၅ ရာခိုင်နှုန်းကို စည်းကြပ်ခွန်များ ဖယ်ရှားပေးရမည်ဟု ကတိပြုထားသည်။
ပြီးခဲ့သည့်နှစ်တွင် နှစ်နိုင်ငံအကြား ကုန်သွယ်မှုပမာဏသည် အမေရိကန်ဒေါ်လာ ၄ ဒဿမ ၇ ဘီလျံဝန်းကျင်ရှိခဲ့ပြီး ၂၀၂၂ ခုနှစ်ကထက် ၆ ရာခိုင်နှုန်း တိုးလာခဲ့သည်ဟု ဝန်ကြီးဌာနက ပြောကြားခဲ့သည်။
Ref: ယူအက်စ်နူးစ်
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
-
ဖိလစ်ပိုင်မြောက်ပိုင်းတွင် တိုင်ဖွန်းအူဆာဂီ ဝင်ရောက်တိုက်ခတ်မှုကြောင့် လူပေါင်းထောင်နှင့်ချီ ဘေးလွတ်ရာရွှေ့ပြောင်း
-
ဆော်လမွန်ကျွန်းနိုင်ငံအနီးတွင် ကမ္ဘာ့အကြီးဆုံး သန္တာကျောက်တန်း တွေ့ရှိ
-
■ UEFA Nations League ပွဲကြိုသုံးသပ်ချက်
