မြောက်ကိုးရီးယားသည် လာမည့်သီတင်းပတ်များစွာအတွင်း ယူကရိန်းကို တိုက်ခိုက်ရန်နှင့် လေ့ကျင့်ရန်အတွက် ရုရှားသို့ တပ်ဖွဲ့ဝင် ၁၀,၀၀၀ ခန့် စေလွှတ်ခဲ့ကြောင်း ပင်တဂွန်စစ်ဌာနချုပ်က တနင်္လာနေ့တွင် ပြောကြားခဲ့သည်။
မြောက်ကိုရီးယား စစ်သားအချို့သည် ယူကရိန်းသို့ နီးကပ်လာနေပြီဟု ပင်တဂွန်ပြောခွင့်ရအမျိုးသမီး ဆာဘရီနာဆင်းက ပြောကြားပြီး ယူကရိန်း၏ထိုးစစ်ဆင်မှုကို ရုရှားက ပြန်လည်တွန်းလှန်ရန် ရုန်းကန်နေရသည့် Kursk နယ်စပ်ဒေသသို့ ဦးတည်သွားနေကြသည်ဟု ယုံကြည်ကြောင်းကိုလည်း သူမကပြောသည်။
နေတိုးအတွင်းရေးမှူးချုပ် မာ့ခ်ရုတ်ကလည်း မကြာသေးမီကသိရသော ယူကရိန်းထောက်လှမ်းရေးသတင်းများကို အတည်ပြုခဲ့ပြီး မြောက်ကိုးရီးယားစစ်တပ်အချို့ Kursk ဒေသတွင်ရှိနေပြီဖြစ်ကြောင်းကို တနင်္လာနေ့အစောပိုင်းကပင် အတည်ပြုပြောကြားခဲ့သည်။
ဒုတိယကမ္ဘာစစ်နောက်ပိုင်း ဥရောပ၏ အကြီးမားဆုံး ပဋိပက္ခတွင် မြောက်ကိုရီးယားစစ်သား ထောင်ပေါင်းများစွာကို ပေါင်းထည့်ခြင်းသည် အလွန်ပင်ပန်းနွမ်းနယ်နေပြီဖြစ်သော ယူကရိန်းစစ်တပ်အပေါ် ဖိအားများ ပိုမိုသက်ရောက်စေမည်ဖြစ်ကြောင်း သူကဆိုသည်။
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
-
ဖိလစ်ပိုင်မြောက်ပိုင်းတွင် တိုင်ဖွန်းအူဆာဂီ ဝင်ရောက်တိုက်ခတ်မှုကြောင့် လူပေါင်းထောင်နှင့်ချီ ဘေးလွတ်ရာရွှေ့ပြောင်း
-
ဆော်လမွန်ကျွန်းနိုင်ငံအနီးတွင် ကမ္ဘာ့အကြီးဆုံး သန္တာကျောက်တန်း တွေ့ရှိ
-
■ UEFA Nations League ပွဲကြိုသုံးသပ်ချက်
