ကင်ရှာဆာ၊အောက်တိုဘာ ၂၉
ကွန်ဂိုဒီမိုကရက်တစ်သမ္မတနိုင်ငံရှိ လူဦးရေ ၂၅ ဒသမ ၆ သန်း သို့မဟုတ် လူဦးရေ၏ ၂၂ ရာခိုင်နှုန်းသည် အစားအစာမဖူလုံမှုကို ဆိုးရွားစွာကြုံတွေ့နေရသည်ဟု ကုလသမဂ္ဂစားနပ်ရိက္ခာနှင့် စိုက်ပျိုးရေးအဖွဲ့ (အက်ဖ်အေအို) က တနင်္လာနေ့တွင်ပြောကြားခဲ့သည်။
ထိခိုက်မှု ကို အဆိုးရွားဆုံး ခံစားရသော လူများမှာ အဓိကအားဖြင့် နိုင်ငံတွင်းပဋိပက္ခများကြောင့် နေရပ်စွန့်ခွာသူများနှင့်နေရပ်ပြန်သူများဖြစ်ကြပြီး စားနပ်ရိက္ခာမဖူလုံမှုသည် ၂၀၂၅ ခုနှစ်၏ ပထမနှစ်ဝက်အထိ လက်ရှိအခြေအနေအတိုင်းဆက်ရှိနေမည်ဟု ကုလသမဂ္ဂအေဂျင်စီကခန့်မှန်းထားသည်။
အက်ဖ်အေအိုဒါရိုက်တာရိန်းပေါလ်ဆန် က “ကွန်ဂို ရှိ လူသန်းပေါင်းများစွာအတွက် စားနပ်ရိက္ခာဖူလုံမှုအခြေအနေသည် အရေးကြီးနေဆဲဖြစ်ကာ လက်နက်ကိုင်အကြမ်းဖက်မှုများနှင့် အရင်းအမြစ်များအတွက် ပြိုင်ဆိုင်မှုများကြောင့် ကျေးလက်လူနေမှုဘဝနဲ့ အခြေခံအဆောက်အဦများကို အကြီးအကျယ် ပျက်စီးစေခဲ့ပြီး မရှိမဖြစ်လိုအပ်သည့်စိုက်ပျိုးထုတ်လုပ်မှုကိုလည်းအနှောင့်အယှက်ဖြစ်စေပါတယ်” ဟုလည်းဆိုခဲ့သည်။
နိုင်ငံတွင်းပဋိပက္ခများနှင့် ဘေးအန္တရာယ်များကြောင့် ကွန်ဂို၌ လူပေါင်း ၇ သန်းခန့်သည် ပြည်တွင်း၌ ရွှေ့ပြောင်းနေထိုင်နေရဆဲဖြစ်ကြောင်း ကုလသမဂ္ဂ အပြည်ပြည်ဆိုင်ရာ ရွှေ့ပြောင်းနေထိုင်သူများအဖွဲ့၏ မကြာသေးမီကထုတ်ပြန်သည့် အစီရင်ခံစာအရသိရသည်။
Source : ရှင်းဟွာ
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
