တရုတ်ဖိတ်ခေါ်ပိုက်ကျော်ခြင်းပြိုင်ပွဲ(2024 China Sepaktakraw Open of Lancang-Mekong Cooperation) ကို ဝင်ရောက်ယှဉ်ပြိုင်ခဲ့သည့် မြန်မာပိုက်ကျော်ခြင်းအသင်းသည် ငွေတံဆိပ် နှစ်ခု၊ ကြေးတံဆိပ် နှစ်ခု ဆွတ်ခူးရရှိခဲ့ကြောင်း သိရသည်။
တရုတ်ဖိတ်ခေါ်ပိုက်ကျော်ခြင်းပြိုင်ပွဲ ( 2024 China Sepaktakraw Open of Lancang-Mekong Cooperation) ကို တရုတ်နိုင်ငံ၊ နန်နင်းမြို့တွင် ပြီးခဲ့သည့် အောက်တိုဘာ ၂၄ ရက်မှ ၂၇ ရက်အထိ ကျင်းပပြုလုပ်ခဲ့ပြီး မဲခေါင်ဒေသတွင်းနိုင်ငံများဖြစ်သည့် တရုတ်၊ မြန်မာ၊ ထိုင်း၊ လာအို၊ ကမ္ဘောဒီးယား၊ ဗီယက်နမ်နိုင်ငံတို့မှ အသင်းများ ဝင်ရောက်ယှဉ်ပြိုင်ခဲ့ကြသည်။
ပြိုင်ပွဲတွင် အမျိုးသား၊ အမျိုးသမီး သုံးယောက်တွဲနှင့် လေးယောက်တွဲ အမျိုးအစားများကိုသာ ထည့်သွင်းကျင်းပခဲ့သည်။
မြန်မာပိုက်ကျော်ခြင်းအသင်းအတွက် ငွေတံဆိပ်ဆုနှစ်ခုကို အမျိုးသား လေးယောက်တွဲနှင့် အမျိုးသမီး လေးယောက်တွဲတို့မှလည်းကောင်း၊ ကြေးတံဆိပ်ဆုနှစ်ခုကို အမျိုးသား သုံးယောက်တွဲနှင့် အမျိုးသမီး သုံးယောက်တွဲတို့မှလည်းကောင်း ရယူနိုင်ခဲ့ခြင်းဖြစ်ကြောင်း သိရသည်။
မြန်မာအမျိုးသားပိုက်ကျော်ခြင်းအသင်းသည် လေးယောက်တွဲဗိုလ်လုပွဲတွင် ဗီယက်နမ်အသင်း ကို(၀-၂) ပွဲဖြင့် ရှုံးနိမ့်ပြီး ငွေတံဆိပ်ဆုဖြင့်သာ ကျေနပ်ခဲ့ရခြင်းဖြစ်သည်။
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
