ရန်ကုန်တိုင်း၊ ဒဂုံမြို့သစ်(တောင်ပိုင်း)မြို့နယ်၌ ယမန်နေ့ အောက်တိုဘာ ၂၇ ရက်နံနက် ၆ နာရီခွဲခန့်က မိုင်းဖောက်ခွဲရန်လာစဉ် ပေါက်ကွဲမှုဖြစ်ပွားကာ (၂)ဦးသေဆုံးပြီး (၁)ဦးအား လက်လုပ်မိုင်းတစ်လုံးနှင့်အတူဖမ်းဆီးရမိခဲ့ကြောင်း သိရသည်။
ဒဂုံမြို့သစ်(တောင်ပိုင်း)မြို့နယ်၊ အမှတ်(၆၂)ရပ်ကွက်၊ ပတ္တမြားလမ်းရှိ အ.မ.က(၃၀)အနီး၌ အမျိုးသား(၂)ဦးမိုင်းစထိမှန်ဒဏ်ရာများဖြင့် လဲကျနေကြောင်းသတင်းအရ လုံခြုံရေးအဖွဲ့ဝင်များကသွားရောက်စစ်ဆေးရာ လဲကျနေသူများမှာ ဒဂုံမြို့သစ်(ဆိပ်ကမ်း)မြို့နယ်နေ ဖိုးလပြည့်(၂၉) နှစ်နှင့် ပိုင်မင်းထက်(၂၀)နှစ်တို့ဖြစ်ကြောင်း စီစစ်သိရှိခဲ့ရသည်။
ထို့ကြောင့် အမှတ်(၁)တပ်မတော်ဆေးရုံ(ခုတင်- ၁၀၀၀)သို့ပို့ဆောင်၍ ဆေးကုသပေးပြီးနောက် စစ်ဆေးမှုများပြုလုပ်ရာ ၎င်းတို့အပါအဝင်(၄)ဦးသည် အဌားကားတစ်စီးပေါ်တွင် လက်လုပ်မိုင်းတင်ဆောင်၍ အမှတ်(၉၄)ရပ်ကွက်အုပ်ချုပ်ရေးမှူးရုံးအား မိုင်းဖောက်ခွဲရန်သွားရောက်စဉ် ကားပေါ်၌ပေါက်ကွဲမှုဖြစ်ပွားသဖြင့် မိုင်းစထိမှန်ဒဏ်ရာများရရှိခဲ့ခြင်းဖြစ်ကြောင်း ဖော်ထုတ်သိရှိခဲ့ရသည်။
ပေါက်ကွဲမှုဖြစ်ပွားပြီးနောက် ၎င်းတို့နှင့်အတူလိုက်ပါလာသည့် အောင်နိုင်ထွန်း(ခ)ကရင်မှာထွက်ပြေးသွားခဲ့ပြီး အဌားကားမောင်းနှင်သူ ငွေစိုးသည် မိုင်းစထိမှန်ဒဏ်ရာများရရှိထားသော ဖိုးလပြည့်နှင့်ပိုင်မင်းထက်တို့အား အ.မ.က(၃၀) အနီးတွင်ချထား၍ မောင်းနှင်ထွက်ပြေးသွားကြောင်းကိုလည်း ဖော်ထုတ်သိရှိခဲ့ရသည်။
ထို့ကြောင့် လုံခြုံရေးအဖွဲ့ဝင်များက ထွက်ပြေးသွားသူ(၂)ဦးအားဖမ်းဆီးရမိရေးအတွက် ပိတ်ဆို့ရှာဖွေစစ်ဆေးမှုများပြုလုပ်ခဲ့သဖြင့် အဌားကားမောင်းသူ ငွေစိုးအား ဒဂုံမြို့သစ်(တောင်ပိုင်း)မြို့နယ်၊ ပြည်ထောင်စုလမ်းနှင့်မေယဝတီလမ်းထောင့်အနီးတွင် ၎င်းမောင်းနှင်သည့်အငှားကားနှင့်အတူဖမ်းဆီးရမိခဲ့ပြီး ကားပေါ်တွင်သံပိုက်ဖြင့်ပြုလုပ်ထားသော လက်လုပ်မိုင်းတစ်လုံးကိုလည်း စစ်ဆေးတွေ့ရှိခဲ့သဖြင့် လုံခြုံရေးအဖွဲ့ဝင်များက သက်မဲ့ပြုလုပ်ခဲ့ကြကြောင်း သိရသည်။
ဖမ်းဆီးရမိသူ(၃)ဦးအနက် မိုင်းစထိမှန်ဒဏ်ရာများရရှိထားသူ(၂)ဦးသည် ဆေးကုသမှုခံယူနေစဉ်သေဆုံးသွားခဲ့ပြီး အဌားကားမောင်းသူ ငွေစိုးအား ဥပဒေအရထိရောက်စွာအရေးယူနိုင်ရေးနှင့် ဖမ်းဆီးရန်ကျန်ရှိသည့် အောင်နိုင်ထွန်း(ခ)ကရင်အားဖမ်းဆီးရမိနိုင်ရန် လုံခြုံရေးအဖွဲ့ဝင်များက ဆက်လက်ဆောင်ရွက်လျက်ရှိကြောင်း သိရသည်။
-
သထုံမြို့နယ် အနန်းပင်ကျေးရွာအနီး သထုံ - ပေါင် ခရိုင်ချင်းဆက်လမ်းတွင် မော်တော်ယာဉ်တစ်စီးအရှိန်လွန်တိမ်းမှောက်မှုကြောင့် လူ ၂၀ ဦးထက်မနည်း ထိခိုက်ဒဏ်ရာရ
-
မြန်မာနိုင်ငံ အလယ်ပိုင်းဒေသ ငါးခုတွင် ရာသီဥတု ပြောင်းလဲမှုများနှင့် မြေဆီလွှာ တိုက်စားမှု လျှော့ချရန်အတွက် ရေဝေရေလဲ နေရာငယ်များတွင် ဒေသနှင့် ကိုက်ညီသည့်သစ်ပင်များ စိုက်ပျိုးထိန်းသိမ်းမှု ပြုလုပ်
-
ဖွံ့ဖြိုးမှုအနည်းဆုံးနိုင်ငံများ (LDC) တွင် မြန်မာနိုင်ငံသည် နိုင်ငံခြား တိုက်ရိုက်ရင်းနှီးမြှုပ်နှံမှု အများဆုံး ရရှိခဲ့ပြီး မကြာမီ LDC စာရင်းဝင်နိုင်ငံအဖြစ်မှ လွတ်မြောက်တော့မည်ဟု ကုလသမဂ္ဂ အစီရင်ခံစာ၌ ဖော်ပြ
-
ဟေတီတွင် ရာဇဝတ်ဂိုဏ်းများနှင့် ဆက်နွှယ်သည့် အကြမ်းဖက်မှုများကြောင့် လူ ၂၀,၀၀၀ ကျော် ဘေးလွတ်ရာထွက်ပြေးတိမ်းရှောင်
-
■ စီးရီးအေ ပွဲစဉ်(၆)၊ ဂျာမန်ဖလား ပထမအဆင့်နှင့် ပြင်သစ်လီဂူး ပွဲစဉ်(၆) ပွဲကြိုသုံးသပ်ချက်
