Top News

ချယ်လ်ဆီး တောင်ပံကစားသမား ဇီယာ့ရှ်ကို ခေါ်ရန် ဇာနီယိုလိုကို ရိုးမား ရောင်းထုတ်ရမည်

24htopnews | October 28, 2024 11:12 PM CST

ရိုးမားအသင်းသည် ချယ်လ်ဆီး တောင်ပံကစားသမား ဇီယာ့ရှ်ကိုခေါ် ယူနိုင်ရန်အတွက် အသင်းကွင်းလယ်ကစားသမား ဇာနီယိုလိုကို အရင်ရောင်းထုတ်ရမည်ဖြစ်ကြောင်း သိရှိရသည်။

ချယ်လ်ဆီးအသင်းသည် အသက် (၂၉) နှစ်အရွယ်ရှိ မော်ရိုကို တောင်ပံကစားသမား ဇီယာ့ရှ်ကို ပြည်တွင်းပြိုင်ဘက်ထံ ရောင်းချလိုခြင်းမရှိဘဲ ရိုးမားအသင်းသို့ ရောင်းချရန်သဘောတူထားကြောင်း ဗြိတိန်မီဒီယာများက ဖော်ပြနေကြသည်။

ချယ်လ်ဆီး အသင်းသည် ဇီယာ့ရှ်အတွက် အနည်း ဆုံး ယူရို (၂၅) သန်း အလိုရှိနေပြီး ၎င်း၏တစ်နှစ်လစာမှာ ယူရို (၆.၅) သန်းဖြစ်ကြောင်း သိရသည်။ ရိုးမား အသင်းသည် ဇီယာ့ရှ်ကို ကမ်းလှမ်းရန်အတွက် အသင်းကွင်းလယ်ကစားသမား ဇာနီယိုလိုကို ရောင်းထုတ်ရန် စီစဉ်နေပြီး ၎င်းကိုခေါ်ယူရန် အေစီမီလန်က စိတ်ဝင်စားနေသည်။

ရိုးမားအသင်းသည် ဇာနီယိုလိုအတွက် ယူရိုသန်း (၄၀) အလိုရှိနေကြောင်းလည်း သိရှိရသည်။