မြန်မာနိုင်ငံ ကြက်ခြေနီအသင်းက ရေဘေးကာလအလွန် စိတ်ပိုင်းဆိုင်ရာခံစားနေရသူများအတွက် စိတ်ပိုင်းဆိုင်ရာ၊ လူ မှုပိုင်းဆိုင်ရာ အားပေးကူညီနိုင်မရန် စိတ်ပိုင်းဆိုင်ရာ ရှေးဦးပြုစုခြင်း သင်တန်းကို ယနေ့ အောက်တိုဘာ (၂၈) ရက်တွင် ရန်ကုန်မြို့၌ ဖွင့်လှစ်ပေးခဲ့ကြောင်း သိရသည်။
အဆိုပါ သင်တန်းဖွင့်ရခြင်း ရည်ရွယ်ချက်သည် မြန်မာနိုင်ငံ ကြက်ခြေနီစေတနာ လုပ်အားရှင်များအနေဖြင့် စိတ်ပိုင်းဆိုင်ရာ အားပေးကူညီကြသည့်အခါ သိသင့်သည်များကိုသိရှိနိုင်စေရန် သင်တန်းပို့ချခြင်းဖြစ်ပြီး၊ သင်တန်းကို အောက်တိုဘာလ (၂၈)ရက်မှ အောက်တိုဘာလ (၃၀)ရက်အထိ (၃) ရက်တာဖွင့်လှစ်သွားမည်ဖြစ်သည်။
သင်တန်းသို့ နေပြည်တော်၊ မန္တလေးတိုင်းဒေသကြီး၊ ပဲခူးတိုင်းဒေသကြီးတို့မှ ကြက်ခြေနီစေတနာလုပ်အားရှင် (၃၀)ဦး တက်ရောက်လျက်ရှိကြောင်း သိရသည်။
သင်တန်းအား မြန်မာနိုင်ငံကြက်ခြေနီအသင်းနှင့် ဒိန်းမတ်နိုင်ငံကြက်ခြေနီ အသင်းတို့ ပူးပေါင်း၍ ဖွင့်လှစ်ခြင်းဖြစ်ပြီး၊ ယနေ့ သင်တန်းဖွင့်ပွဲအခမ်းအနားသို့အသင်း မြန်မာနိုင်ငံကြက်ခြေနီအသင်း တာဝန်ရှိသူများ၊ အပြည်ပြည်ဆိုင်ရာကြက်ခြေနီနှင့် လခြမ်းနီအသင်းများဖက်ဒရေးရှင်းမှ တာဝန်ရှိသူများ၊ ဒိန်းမတ်နိုင်ငံကြက်ခြေနီအသင်းမှတာဝန်ရှိသူများ၊ ဂျာမနီနိုင်ငံကြက်ခြေနီအသင်းမှတာဝန်ရှိသူများနှင့် သင် တန်းသား/သူများ တက်ရောက်ခဲ့ကြကြောင်း သိရသည်။
-
အာရှအားကစားပြိုင်ပွဲ၏ အမျိုးသားဘောလုံးပြိုင်ပွဲတွင် ဂျပန်ကို မြန်မာအသင်း (၇)ဂိုးပြတ်အရေးနိမ့်
-
သထုံမြို့နယ် အနန်းပင်ကျေးရွာအနီး သထုံ - ပေါင် ခရိုင်ချင်းဆက်လမ်းတွင် မော်တော်ယာဉ်တစ်စီးအရှိန်လွန်တိမ်းမှောက်မှုကြောင့် လူ ၂၀ ဦးထက်မနည်း ထိခိုက်ဒဏ်ရာရ
-
မြန်မာနိုင်ငံ အလယ်ပိုင်းဒေသ ငါးခုတွင် ရာသီဥတု ပြောင်းလဲမှုများနှင့် မြေဆီလွှာ တိုက်စားမှု လျှော့ချရန်အတွက် ရေဝေရေလဲ နေရာငယ်များတွင် ဒေသနှင့် ကိုက်ညီသည့်သစ်ပင်များ စိုက်ပျိုးထိန်းသိမ်းမှု ပြုလုပ်
-
ဖွံ့ဖြိုးမှုအနည်းဆုံးနိုင်ငံများ (LDC) တွင် မြန်မာနိုင်ငံသည် နိုင်ငံခြား တိုက်ရိုက်ရင်းနှီးမြှုပ်နှံမှု အများဆုံး ရရှိခဲ့ပြီး မကြာမီ LDC စာရင်းဝင်နိုင်ငံအဖြစ်မှ လွတ်မြောက်တော့မည်ဟု ကုလသမဂ္ဂ အစီရင်ခံစာ၌ ဖော်ပြ
-
ဟေတီတွင် ရာဇဝတ်ဂိုဏ်းများနှင့် ဆက်နွှယ်သည့် အကြမ်းဖက်မှုများကြောင့် လူ ၂၀,၀၀၀ ကျော် ဘေးလွတ်ရာထွက်ပြေးတိမ်းရှောင်
