YBS ယာဉ်လိုင်းများပေါ်တွင် ယာဉ်မောင်းကိုယ်တိုင် ယာဉ်စီးခကောက်ခံပါက ပုံနှင့်တကွ တိုင်ကြားနိုင်ကြောင်း YRTC မှ သိရသည်။
YBS ယာဉ်လိုင်းအချို့တွင် ယာဉ်အကူများထားရှိခြင်း၊ ယာဉ်မောင်းကိုယ်တိုင် ယာဉ်စီးခကောက်ခံခြင်း၊ YPS စက်များကို ပိတ်ထားမှုများရှိနေကြောင်း YBS စီးခရီးသည်များကဆိုသည်။
” ဒါမျိုးတွေကို လုံးဝခွင့်မပြုထားဘူး။ ခရီးသည်တွေအနေနဲ့ ပုံနဲ့တကွတိုင်ကြားလို့ရပါတယ်။ Call Centre ဖုန်းတွေကို အချိန်ပြည့်ဖွင့်ထားပါတယ်။ စနစ်ဟောင်းကို ပြန်သွားမှာမဟုတ်ဘူး။ အခုသွားနေတဲ့ စနစ်သစ်က တော်တော်လေးကို အဆင်ပြေတယ်။ ခရီးသည်တွေအနေနဲ့ တိုင်ကြားလို့ရပါတယ်။ အရေးလည်းယူနေပါတယ်”ဟု YRTC မှ တွဲဖက်အတွင်းရေးမှူး ဦးလျန်ကျင့်မာန်က ပေါ်ပြူလာနယူးစ်သို့ ပြော သည်။
YRTC ၏ စီမံခန့်ခွဲမှုအောက်တွင် YBS ယာဉ်လိုင်းကုမ္ပဏီ (၂၁) ခု ယာဉ်အစီးရေ (၅၀၀၀) ကျော်ရှိပြီး နေ့စဉ် ယာဉ်အစီး ရေ (၄၀၀၀) နီးပါးပြေးဆွဲနေကာ ခရီးသည်ဦးရေ ၁ ဒသမ ၅ သန်းခန့် နေ့စဉ် ပို့ဆောင် နေကြောင်း သိရသည်။
YBS ယာဉ်များအနေဖြင့် ယှဉ်ပြိုင်ကျော်တက်မောင်းနှင်ခြင်း၊ဘေးတံခါးဖွင့်၍ မောင်းနှင်ခြင်း၊လမ်းပြောင်းပြန် မော င်းနှင်ခြင်း၊ မီးနီဖြတ်မောင်းနှင်ခြင်းစသည့် ယာဉ်စည်းကမ်းဖောက်ဖျက်မှုများကြောင့် ေ-သဆုံးမှု၊ ဒဏ်ရာရမှုများရှိနေရာ YRTC အနေဖြင့် Traffic Control Center မှ Telematics စက်များ၊ CCTV record မှတ်တမ်းများဖြင့် အရေးယူ ဆောင်ရွက်နေကြောင်း သိရသည်။
” ယာဉ်မောင်းတော်တာ်များများက ကတ်နဲ့ စီးရင်မကြိုက်ချင်ဘူး။ တော်တော်များများက စက်ပျက်နေတယ်လို့ပြောကြတယ်။ ယာဉ်စီးခဆိုလည်း ပုံးထဲမထည့်နဲ့ သူတို့လက်ထဲပဲထည့်။ ၅၀၀ တန်ပေးရင် ၁၀၀ ပြန်မအမ်းဘူး။ တော်တော်ဆိုးတယ်”ဟု YBS စီးခရီးသည်တစ်ဦးက ပေါ်ပြူလာနယူးစ်သို့ ပြောသည်။
-
အာရှအားကစားပြိုင်ပွဲ၏ အမျိုးသားဘောလုံးပြိုင်ပွဲတွင် ဂျပန်ကို မြန်မာအသင်း (၇)ဂိုးပြတ်အရေးနိမ့်
-
သထုံမြို့နယ် အနန်းပင်ကျေးရွာအနီး သထုံ - ပေါင် ခရိုင်ချင်းဆက်လမ်းတွင် မော်တော်ယာဉ်တစ်စီးအရှိန်လွန်တိမ်းမှောက်မှုကြောင့် လူ ၂၀ ဦးထက်မနည်း ထိခိုက်ဒဏ်ရာရ
-
မြန်မာနိုင်ငံ အလယ်ပိုင်းဒေသ ငါးခုတွင် ရာသီဥတု ပြောင်းလဲမှုများနှင့် မြေဆီလွှာ တိုက်စားမှု လျှော့ချရန်အတွက် ရေဝေရေလဲ နေရာငယ်များတွင် ဒေသနှင့် ကိုက်ညီသည့်သစ်ပင်များ စိုက်ပျိုးထိန်းသိမ်းမှု ပြုလုပ်
-
ဖွံ့ဖြိုးမှုအနည်းဆုံးနိုင်ငံများ (LDC) တွင် မြန်မာနိုင်ငံသည် နိုင်ငံခြား တိုက်ရိုက်ရင်းနှီးမြှုပ်နှံမှု အများဆုံး ရရှိခဲ့ပြီး မကြာမီ LDC စာရင်းဝင်နိုင်ငံအဖြစ်မှ လွတ်မြောက်တော့မည်ဟု ကုလသမဂ္ဂ အစီရင်ခံစာ၌ ဖော်ပြ
-
ဟေတီတွင် ရာဇဝတ်ဂိုဏ်းများနှင့် ဆက်နွှယ်သည့် အကြမ်းဖက်မှုများကြောင့် လူ ၂၀,၀၀၀ ကျော် ဘေးလွတ်ရာထွက်ပြေးတိမ်းရှောင်
