ဘာစီလိုနာတိုက်စစ်မှူး မက်ဆီက လာလီဂါတွင် အဓိကပြိုင်ဘက်ဖြစ်ခဲ့သည့် စီရော်နယ်လ်ဒိုကို သတိရမိကြောင်း ထုတ်ဖော်ပြောကြားခဲ့သည်။
ထို့ပြင် ၎င်းက စီရော်နယ်လ်ဒိုကို လာလီဂါတွင် ဆက်လက်ကစားစေချင်မိသည်ဟုလည်း မှတ်ချက်ပြုခဲ့သည်။
ဘောလုံးလောက၏ ထာဝရအကောင်းဆုံးကစားသမားများအဖြစ် အများစုက သတ်မှတ်ခြင်းခံထားရသူ(၂)ဦးမှာ စပိန်တွင် (၉)နှစ်ကြာ မဟာပြိုင်ဘက်များအဖြစ် ဖြတ်သန်းခဲ့ရာမှ ပြီးခဲ့သည့်နွေရာသီတွင် စီရော်နယ်လ်ဒို အသင်းပြောင်းသွားမှုကြောင့် အဆုံးသတ်ခဲ့ခြင်းဖြစ်သည်။
'' ကျွန်တော် ခရစ္စတီယာနိုကို သတိရပါတယ်။ သူဆုဖလားတွေ ကိုင်မြှောက်ချိန်မှာ လက်ခံဖို့ခက်ခဲပေမယ့် သူဟာ လာလီဂါကို သြဇာတိက္ကမပိုကြီးထွားလာအောင် စွမ်းဆောင်ပေးခဲ့သူပါ။ ဂျူဗင်တပ်စ်အသင်းဟာ ခရစ္စတီယာနို ရောက်လာပြီးကတည်းက ချန်ပီယံလိဂ်မှာဗိုလ်စွဲဖို့ ရေပန်းအစားဆုံးအနေအထားမှာရှိပါတယ်။ ပြီးတော့ အက်သလက်တီကိုနဲ့ပွဲက သူတို့ကို ယုံကြည်မှု မြင့်မားလာစေပါလိမ့်မယ်'' ဟု မက်ဆီက အာဂျင်တီးနားအခြေစိုက် FM 947 Club သို့ ပြောကြားခဲ့သည်။
ထို့ပြင် မက်ဆီက သူ့စိတ်ကြိုက် ကမ္ဘာ့အကောင်းဆုံးကစားသမားများကိုလည်း ယခုကဲ့သို့ မှတ်ချက်ပြုခဲ့သည်။
'' တစ်စုံတစ်ယောက်ကို ချန်ထားခဲ့လိုတာမျိုးတော့ မရှိပါဘူး။ ဒါပေမဲ့ နေမာ၊ ဘာပေ၊ ဆွာရက်ဇ်၊ ဟာဇက်၊ အဂွဲရိုးတို့က တော့ အကောင်းဆုံးတွေပါပဲ။ စီရော်နယ်လ်ဒိုကို ဒီစာရင်းမှာမထည့်တာက ကျွန်တော်နဲ့အတူ သူ့ကို သက်သက်ပဲ ထားချင်လို့ပါ'' ဟု မက်ဆီက ပြောကြားခဲ့သည်။
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
