ပြင်သစ်နိုင်ငံ၊ ပါရီမြို့၌ ကျင်းပမည့် Ballon d'Or ဆုပေးပွဲအခမ်းအနားသို့ ဂါနာချိုနှင့် မိန်နူးကို ခေါ်ဆောင်သွားပေးရန် မန်ယူအသင်း၏ကမ်းလှမ်းမှုအား မြို့ခံပြိုင်ဘက် မန်စီးတီးအသင်းက လက်မခံဘဲ ပယ်ချခဲ့ကြောင်း သိရသည်။
၂၀၂၄ ခုနှစ် Ballon d'Or ဆုပေးပွဲ အခမ်းအနားကို ယနေ့ (အောက်တိုဘာ ၂၈ ရက်) ညပိုင်း (မြန်မာစံတော်ချိန် အောက်တိုဘာ ၂၉ ရက် နံနက် ၁ နာရီခွဲ) တွင် ကျင်းပမည်ဖြစ်ပြီး မန်ယူအသင်း တောင်ပံကစားသမား ဂါနာချိုနှင့် ကွင်းလယ်လူ မိန်နူးမှာ လူငယ်ကစားသမားဆု (Kopa Trophy) အတွက် ဆန်ခါတင်စာရင်းတွင် ပါဝင်နေသည်။
မန်စီးတီးအသင်းမှာလည်း အမျိုးသားကစားသမားဆုအတွက် နောက်ခံလူ ဒီယက်စ်၊ ကွင်းလယ်လူ ဖိုဒန်နှင့် ရိုဒရီ၊ တိုက်စစ်မှူး ဟာလန်း၊ အမျိုးသမီးကစားသမားဆုအတွက် ဟာဆီဂါ၀ါ၊ ဟမ့်၊ ရှော၊ လူငယ်ကစားသမားဆုအတွက် ဆယ်ဗင်ညိုတို့ ဆန်ခါတင်စာရင်း၌ ရွေးချယ်ခံထားရသည်။
မန်စီးတီးအသင်းအနေဖြင့် ၎င်းတို့ ကစားသမားများကို ပါရီမြို့သို့ သီးသန့် လေယာဉ်ဖြင့် စေလွှတ်ဖွယ်ရှိနေရာ မန်ယူ အသင်းကလည်း ဂါနာချိုနှင့် မိန်နူးကို အတူခေါ်သွားပေးရန် ကမ်းလှမ်းခဲ့ခြင်းဖြစ်ကြောင်း ဗြိတိန်အခြေစိုက် Daily Mail သတင်းဌာန က ဖော်ပြခဲ့သည်။
လေယဉ်တွင် လိုက်ပါမည့်သူများ ပြည့်နေသောကြောင့် မန်စီးတီးအသင်းက မန်ယူအသင်း၏ ကမ်းလှမ်းမှုကို လက်မခံဘဲ ပယ်ချခဲ့ခြင်းဖြစ်ကြောင်း သိရသည်။ မန်ယူ အသင်းသည် အသုံးစရိတ်လျှော့ချမှုများ ပြုလုပ်လျက်ရှိပြီး ဂန္ထဝင်နည်းပြ ဖာဂူဆန်ကို လည်း သံတမန်ရာထူးမှ ဖယ်ရှားထားသည်။
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
