ဂျူဗင်တပ်စ်အသင်းဝါရင့်ဂိုးသမား ဘူဖွန်သည် အေစီမီလန်ဂန္ထဝင်နောက်ခံလူ ပေါ်လိုမာလ်ဒီနီ၏ ကလပ်ပွဲအများဆုံးကစားထားသည့် အီတလီကစားသမားစံချိန်ကိုအမီ လိုက်နိုင်ခဲ့ကြောင်း သိရသည်။
အသက် ၄၁ နှစ်ရှိပြီဖြစ်သည့် ဘူဖွန် သည် ယခုနွေရာသီတွင် PSGအသင်းမှ ဂျူဗင်တပ်စ်သို့ တစ်ကျော့ပြန်ရောက်ရှိလာခြင်းဖြစ်ပြီး စက်တင်ဘာ ၂၁ ရက်က ဗီရိုနာအသင်းနှင့်ပွဲ၌ ပွဲထွက်ကစားခွင့်ရခဲ့သည်။
ယခုပွဲအပါအဝင် ဘူဖွန်၏ကစားသမားဘဝတစ်လျှောက် ကလပ်အသင်းပွဲစုစုပေါင်းမှာ ၉၀၂ ပွဲရှိလာပြီး မာလ်ဒီနီ၏ ကလပ်ပွဲအများဆုံး အီတလီကစားသမားစံချိန်ကို အမီလိုက်နိုင်ခဲ့ခြင်းဖြစ်သည်။
ဘူဖွန်သည် ပါးမားအသင်းအတွက် ပွဲ ၂၂၀၊ ဂျူဗင်တပ်စ်အသင်းအတွက် ၆၅၇ ပွဲနှင့် PSGအသင်းအတွက် ၂၅ ပွဲ၊ စုစု ပေါင်း ၉၀၂ ပွဲ ကစားထားခြင်းဖြစ်သည်။
ထို့အပြင် ဘူဖွန်သည် မာလ်ဒီနီ၏ စီးရီးအေပွဲအများဆုံး ၆၄၇ ပွဲစံချိန်ကိုလည်း လိုက်မီရန် ခြောက်ပွဲသာလိုအပ်တော့ပြီး လက်ရှိအချိန်တွင် ၆၄၁ ပွဲဖြင့် ဒုတိယနေရာ၌ ရပ်တည်လျက်ရှိသည်။
ဘူဖွန်အနေဖြင့် ပြီးခဲ့သည့်ရာသီက PSGအသင်းသို့ ပြောင်းရွှေ့သွားသဖြင့် စီးရီးအေပွဲအများဆုံးစံချိန် ချိုးဖျက်နိုင်ရန် ကြန့်ကြာနေခြင်းဖြစ်သည်။
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
