မန်ယူအသင်းသည် နည်းပြ ဆိုးလ်ရှား၏နေရာတွင် အစားထိုးရန် PSG အသင်းနည်းပြ တူဟယ်လ်ကို ပစ်မှတ် ထားနေကြောင်း ဗြိတိန်သတင်းစာ Daily Mail က ဖော်ပြခဲ့သည်။
မန်ယူအသင်းသည် ဆိုးလ်ရှားကို လွန်ခဲ့သည့် (၆)လခန့်ကမှ (၃)နှစ်သက်တမ်းရှိစာချုပ် ချုပ်ဆိုထားခြင်းဖြစ်သော်လည်း ယခုရာသီတွင် အသင်းမှာ ရလဒ်များဆိုးရွားနေ၍ ဆိုးလ်ရှား၏အနာဂတ်မှာ လှုပ်ခတ်လျက်ရှိ နေသည်။
ပြီးခဲ့သည့်တနင်္ဂနွေနေ့က ကစားခဲ့သော ဝက်စ်ဟမ်း (၂-၀) မန်ယူပွဲမတိုင်မီ ဆိုးလ်ရှား၏အနာဂတ်နှင့်ပတ်သက်သည့်သတင်းများ ထွက်ပေါ်လာခြင်းဖြစ်ပြီး ဆိုးလ်ရှားအနေဖြင့် မန်ယူအသင်းကို ရလဒ်ကောင်းများ ရရှိအောင် မစွမ်းဆောင်ပေးနိုင်ပါက မန်ယူအသင်းတာဝန်ရှိ သူများသည် ၎င်း၏နေရာတွင် ဂျာမန်လူမျိုးနည်းပြ တူ ဟယ်လ်နှင့် အစားထိုးသွားလိမ့်မည်ဟု Daily Mail က ဖော်ပြခဲ့သည်။
မန်ယူအသင်းသည် တူဟယ်လ်ကို ကြိုတင်ဆက်သွယ်မှုများပင် ပြုလုပ်ထားပြီးဖြစ်ကြောင်း ပြင်သစ်မီဒီယာများကလည်း ဖော်ပြခဲ့ကြသည်။
ပြင်သစ်သတင်းစာ Le10Sport ၏ ဖော်ပြချက်အရ တူဟယ်လ်ကို ခေါ်ယူရန် ရလဒ်ဆိုးများကြုံတွေ့နေသော စပိန်ကလပ် ဘာစီလိုနာအသင်းကလည်း စိတ်ဝင်စားနေရာ မန်ယူအသင်းအနေဖြင့် ဘာစီလိုနာနှင့်အပြိုင် ယှဉ်ပြိုင်ရဖွယ်ရှိနေကြောင်း သိရှိရသည်။
ဆိုးလ်ရှားသည် မန်ယူအသင်းကို ယာယီနည်းပြအဖြစ် ကိုင်တွယ်စဉ် ရလဒ်ကောင်းများရရှိအောင် စွမ်းဆောင်ပေးနိုင်ခဲ့သော်လည်း နည်းပြစာချုပ် ချုပ်ဆိုအပြီးတွင် အသင်းမှာ ရလဒ်များ ယိမ်းယိုင်ခဲ့သည်။
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
